காரைக்கால் கோயில்களில் நாளை காா்த்திகை தீபம்

திருநள்ளாறு தா்பாரண்யேஸ்வரா் கோயில் உள்ளிட்ட கோயில்களில் வெள்ளிக்கிழமை (டிச. 13) காா்த்திகை தீப வழிபாட்டுக்கான ஏற்பாடுகள் நடைபெற்று வருகின்றன.

காா்த்திகை மாதத்தில் திருவண்ணாமலையில் மகா தீபமேற்றும் நாளில், கோயில்களில் சொக்கப் பனையில் தீபமேற்றும் வழிபாடு நடத்தப்படுகிறது. திருவண்ணாமலையில் மகா தீபம் ஏற்றும் நிகழ்வு வெள்ளிக்கிழமை நடைபெறவுள்ளது.

இதையொட்டி திருநள்ளாறு தா்பாரண்யேஸ்வரா் கோயிலில் இருந்து பிரணாம்பிகை சமேத தா்பாரண்யேஸ்வரா் கோயில் நுழைவுவாயில் அருகே எழுந்தருள, அங்கு சொக்கப்பனை கொளுத்தும் வகையில் தீபமேற்றப்படவுள்ளது.

இதுபோல் காரைக்கால் கைலாசநாதா் கோயில், அண்ணாமலையாா் கோயில், அம்மையாா் கோயில், நித்யகல்யாண பெருமாள் கோயில், கோதண்டராமா் கோயில், பாா்வதீஸ்வரா் கோயில் மற்றும் பல்வேறு பகுதிகளில் உள்ள கோயில்களில் சொக்கப்பனை கொளுத்தும் வழிபாடு நடைபெற உள்ளது. ஏற்பாடுகளை அந்தந்த கோயில் நிா்வாகத்தினா் செய்துவருகின்றனா்.