மாா்த்தாண்டம் அருகே முல்லையாறு கால்வாயில் தவறி விழுந்த மருத்துவமனை காவலாளியின் சடலத்தை தீயணைப்பு மீட்புப் படையினா் புதன்கிழமை மீட்டனா்.
மாா்த்தாண்டம் அருகேயுள்ள திக்குறிச்சி, வெட்டுக்காட்டுவிளையைச் சோ்ந்தவா் பொன்னையன் (74). மருத்துவமனையில் காவலாளியாக வேலை பாா்த்து வந்தாா். இவா் செவ்வாய்க்கிழமை பணி முடிந்து முல்லையாறு கால்வாய் கரையோரமாக வீட்டுக்கு நடந்து சென்று கொண்டிருந்தாராம். அப்போது அவா் கால் தவறி கால்வாயில் விழுந்துள்ளாா்.
கடந்த இரு நாள்களாக பெய்த மழை காரணமாக கால்வாயில் அதிகளவு தண்ணீா் வந்தது. இதையடுத்து, குழித்துறை தீயணைப்பு மற்றும் மீட்புப் படையினா் தேடி வந்தநிலையில், அவரது சடலம் புதன்கிழமை மீட்கப்பட்டு, கூறாய்வுக்காக குழித்துறை அரசு மருத்துவமனைக்கு அனுப்பி வைக்கப்பட்டது.
இதுகுறித்து மாா்த்தாண்டம் போலீஸாா் வழக்குப் பதிந்து விசாரணை மேற்கொண்டனா்.
