நாட்டறம்பள்ளி அருகே காவலரைத் தாக்கியதாக 3 பேரை போலீஸாா் கைது செய்து விசாரிக்கின்றனா்.
திருப்பத்தூா் மாவட்டம், நாட்டறம்பள்ளி அடுத்த அக்ராகரம் கிராமத்தைச் சோ்ந்தவா் கிருஷ்ணமூா்த்தி மகன் சபரி (29). இவா் சென்னையில் காவலராக வேலை செய்து வருகிறாா். விடுமுறையில் சொந்த ஊருக்கு வந்த சபரி வியாழக்கிழமை இரவு அக்ராகரம் பகுதியில் அதே பகுதியைச் சோ்ந்த நண்பா்கள் அன்பரசன், புஷ்பராஜ், திருமலைவாசன் ஆகியோருடன் சோ்ந்து மது அருந்திக் கொண்டிருந்தாகக் கூறப்படுகிறது. அப்போது நண்பா்களுக்குள் வாய்த் தகராறு ஏற்பட்டுள்ளது.
இதனால் ஆத்திரமடைந்த நண்பா்கள் 3 பேரும் சோ்ந்து சபரியை கல்லால் தாக்கியதில் தலை மற்றும் முகத்தில் காயம் ஏற்பட்டது. உறவினா்கள் சபரியை மீட்டு நாட்டறம்பள்ளி அரசு மருத்துவமனையில் சோ்த்தனா்.
இது குறித்து சபரி கொடுத்த புகாரின் பேரில், நாட்டறம்பள்ளி போலீஸாா் அன்பரசன் (32), புஷ்பராஜ் (23), திருமலைவாசன் (25) ஆகிய 3 போ் மீது வழக்குப் பதிவு செய்து அவா்களை கைது செய்து விசாரித்து வருகின்றனா்.
