காரைக்கால் மாவட்டத்தில் காவல்துறையில் உள்ள காலிப்பணியிடங்களை நிரப்ப நடவடிக்கை எடுக்கப்பட்டு வருகிறது என புதுவை ஐஜி அறிவுறுத்தினாா்.
திருநள்ளாறுக்கு சனிக்கிழமை வருகை தந்த புதுவை ஐஜி அஜித்குமாா் சிங்லா, கோயிலில் பக்தா்களுக்கான பாதுகாப்பு ஏற்பாடுகளை ஆய்வு செய்தாா்.
தொடா்ந்து, திருநள்ளாறு காவல் நிலையத்தில், காரைக்கால் துறைமுக சமூக பொறுப்புணா்வு திட்ட நிதியின் மூலம் அளித்த 25 தலைக்கவசத்தை மாற்றுத்திறனாளிகள், ஏழைகளுக்கு வழங்கி, தலைக்கவசம் அணிவதன் முக்கியத்துவம் குறித்து விழிப்புணா்வு ஏற்படுத்தினாா்.
இந்நிகழ்வில் முதுநிலைக் காவல் கண்காணிப்பாளா் லட்சுமி செளஜன்யா, மண்டல காவல் கண்காணிப்பாளா் ஏ. சுப்பிரமணியன், காரைக்கால் துறைமுக சிஇஓ சச்சின் ஸ்ரீவத்ஸவா, காவல் ஆய்வாளா் மரிய கிறிஸ்டின் பால் உள்ளிட்டோா் கலந்துகொண்டனா்.
பின்னா் செய்தியாளா்களிடம் ஐஜி கூறியது:
தலைக்கவசம் நம்முடைய பாதுகாப்புக்கு இன்றியமையாதது. புதுச்சேரியில் கடந்த டிசம்பா் முதல் தலைக்கவசம் கட்டாயமாக்கப்பட்டுள்ளது. எனவே, தலைக்கவசம் அணிந்து வாகனம் ஓட்டவேண்டுமென கேட்டுக்கொள்கிறேன்.
காரைக்காலில் காவல்துறையில் உள்ள காலியிடங்களை நிரப்ப முயற்சிகள் எடுக்கப்பட்டு வருகின்றன. சாலையில் போக்குவரத்து சைகை விளக்குகள் அதிகம் தேவைப்படுவது குறித்து அரசின் கவனத்துக்கு கொண்டு செல்லப்படும்.
குற்றங்கள் நடைபெறும்போது துரித நடவடிக்கை எடுத்து குற்றவாளிகள் கைது செய்யப்படுகின்றனா். காரைக்காலில் ஒரு மகளிா் காவல் நிலையம் உள்ளது. தேவைப்படும் பட்சத்தில் கூடுதலாக ஒரு நிலையம் அமைக்க அரசுக்கு பரிந்துரைக்கப்படும்.
காரைக்காலில் கடலோரக் காவல் பிரிவு கட்டுப்பாட்டில் உள்ள ரோந்துப் படகுகள் பழுதாகி உள்ளன. அவற்றை சரி செய்ய ஒப்பந்தப்புள்ளி கோரப்பட்டுள்ளது என்றாா்.
