கா்ப்பிணிகளின் நலனுக்கு முக்கியத்துவம் அளிக்க வேண்டும்: அமைச்சா் பழனிவேல் தியாகராஜன்

நாட்டின் எதிா்காலம் சிறக்க கா்ப்பிணிகளின் நலனுக்கு முக்கியத்துவம் அளிக்க வேண்டியது அவசியம் என தமிழக தகவல் தொழில்நுட்பவியல், எண்மச் சேவைகள் துறை அமைச்சா் பழனிவேல் தியாகராஜன் தெரிவித்தாா்.

சமூக நலன், மகளிா் உரிமைத் துறை, ஒருங்கிணைந்த குழந்தைகள் வளா்ச்சிப் பணிகள் திட்டம் சாா்பில், மதுரை மத்திய சட்டப்பேரவைத் தொகுதிக்குள்பட்ட எல்லீஸ் நகரில் உள்ள அரங்கத்தில் வெள்ளிக்கிழமை நடைபெற்ற சமுதாய வளைகாப்பு நிகழ்ச்சியில் அவா் மேலும் பேசியதாவது:

ஒருங்கிணைந்த குழந்தைகள் வளா்ச்சித் திட்டம் மூலம் கா்ப்பிணிகள், பச்சிளம் குழந்தைகள், வளரிளம் பெண்களின் நலனுக்காக பல்வேறு நடவடிக்கைகள் மேற்கொள்ளப்படுகின்றன. மனித வளமே நாட்டின் மிகப் பெரிய சொத்து. அந்த வகையில், கா்ப்பிணிகளுக்கு சமுதாய வளைகாப்பு நிகழ்ச்சி நடத்துவது வளமான எதிா்காலத்துக்கு மிகவும் அவசியமானதாகும்.

மகப்பேறு மரணம், குழந்தைகள் எடைக்குறைவு உள்ளிட்ட எதிா்மறை பிரச்னைகளைக் குறைக்க தமிழக அரசு மிக தீவிரமான முயற்சிகளை மேற்கொண்டு வருகிறது. கா்ப்பிணிகள் மாநிலத்தின் எதிா்காலத்தை தீா்மானிக்கும் நிலையில் உள்ளவா்கள் என்பதை உணா்ந்து, தேவையான ஊட்டச்சத்துக்களை சரிவர எடுத்துக்கொள்ள வேண்டும் என்றாா் அவா்.

இதையடுத்து, கா்ப்பிணிகளுக்கு தமிழக அரசு சாா்பில் சீா்வரிசைத் தொகுப்புகளை வழங்கி வாழ்த்தினாா்.

மாவட்ட ஆட்சியா் மா.சௌ. சங்கீதா, மாநகராட்சி மேயா் வ. இந்திராணி, மண்டலத் தலைவா் பாண்டிச்செல்வி, ஒருங்கிணைந்த குழந்தைகள் வளா்ச்சித் திட்ட அலுவலா் ஷீலா சுந்தரி, துணை ஆட்சியா் (பயிற்சி) எம். அனிதா, குழந்தைகள் வளா்ச்சித் திட்ட அலுவலா் எஸ். உஷாராணி உள்ளிட்டோா் கலந்து கொண்டனா்.