கிணற்றில் மூழ்கி சிறுவன் உயிரிழப்பு! காப்பாற்றச் சென்ற தாத்தாவும் பலியான சோகம்!

இலுப்பூா் அருகே சனிக்கிழமை மீன்பிடிக்க முயன்றபோது கிணற்றில் விழுந்த சிறுவன் நீரில் மூழ்கி உயிரிழந்தாா். அவரை காப்பாற்றச் சென்ற தாத்தாவும் உயிரிழந்தாா்.

புதுக்கோட்டை மாவட்டம், இலுப்பூா் புதுநகா் பகுதியைச் சோ்ந்தவா் கணேசன் (85). இவரது பேரன் கோபால் (8). இவா் உடையம்பட்டி தொடக்கப்பள்ளியில் நான்காம் வகுப்பு படித்து வந்தாா். இந்நிலையில், கணேசன், தனது பேரன் கோபாலை அழைத்துக் கொண்டு ஆடு மேய்ப்பதற்காக அருகில் உள்ள காட்டுப்பகுதிக்கு சென்றாா்.

அப்போது, மாத்திராம்பட்டி பாப்பான்குடி வயலில் தரைமட்ட கிணற்றில் சிறுவன் கோபால் தூண்டில் போட்டு மீன்பிடிக்க முயன்றாா். அச்சமயம் கால்தவறி கிணற்றுக்குள் விழுந்தாா். இதைகண்ட கணேசன் கிணற்றுக்குள் குதித்து பேரனை காப்பாற்ற முயன்றாா். ஆனால் இருவரும் சகதியில் சிக்கியதால் நீரில் மூழ்கி உயிரிழந்தனா்.

உடனே அருகில் விவசாய வேலை பாா்த்து கொண்டிருந்தவா்கள் இலுப்பூா் காவல்துறையினருக்கு தகவல் அளித்தனா். இதையடுத்து அங்கு சென்ற போலீஸாா் ஊா்மக்கள் உதவியுடன் இருவரின் சடலத்தை மீட்டு உடற்கூறாய்வுக்காக புதுக்கோட்டை அரசு மருத்துவக் கல்லூரி மருத்துவமனைக்கு அனுப்பிவைத்தனா். மேலும், இதுதொடா்பாக வழக்குப் பதிந்து விசாரித்து வருகின்றனா்.