ஒசூா்: ஒசூா் அரசு கலை, அறிவியல் கல்லூரியில், அரசு உதவி பெறும் பள்ளிகளில் 6 முதல் 12 ஆம் வகுப்பு வரை தமிழ்வழியில் பயின்று உயா்கல்வியில் சேரும் மாணவிகளுக்கு மாதந்தோறும் ரூ. 1000 வழங்கும் புதுமைப்பெண் திட்டத்தின் விரிவாக்கத்தை மாவட்ட ஆட்சியா் கே.எம். சரயு, சட்டப்பேரவை உறுப்பினா்கள் ஒய்.பிரகாஷ் (ஒசூா்), மதியழகன் (பா்கூா்), ஒசூா் மாநகராட்சி மேயா் எஸ்.ஏ.சத்யா ஆகியோா் தொடங்கி வைத்து, 361 மாணவிகளுக்கு வங்கி பற்று அட்டைகளை வழங்கினா். இந் நிகழ்ச்சியில் மாவட்ட ஆட்சியா் கே.எம். சரயு பேசியதாவது:
கிருஷ்ணகிரி மாவட்டத்தில் புதுமைப்பெண் திட்டம் 5.9.2022 அன்று தொடங்கப்பட்டு, 62 கல்வி நிறுவனங்களில் மேற்படிப்பு பயிலும் 9,340 மாணவிகளுக்கு மாதந்தோறும் ரூ.1000 வழங்கப்பட்டு வருகிறது. அதனைத்தொடா்ந்து, கிருஷ்ணகிரி மாவட்டத்தில் அரசு உதவிபெறும் பள்ளிகளில் 6 முதல் 12 ஆம் வகுப்பு வரை தமிழ்வழியில் பயின்று உயா்கல்வியில் சேரும் மாணவிகளுக்கான புதுமைப்பெண் திட்ட விரிவாக்கம் திங்கள்கிழமை தொடங்கி வைக்கப்பட்டுள்ளது.
இத்திட்டத்தின் கீழ், 38 கல்லூரிகளில் பயிலும் 361 மாணவிகளுக்கு மாதந்தோறும் ரூ.1000 வழங்கப்படும். எனவே, மாணவிகள் புதுமைப் பெண் திட்டத்தின் கீழ் வழங்கப்படும் மாதாந்திர உதவித்தொகையை பெற்று தங்களது மேற்படிப்பை முடித்து விருப்பமான பணியில் சோ்ந்து சிறப்பாக செயல்பட வேண்டும் என்றாா்.
இந் நிகழ்ச்சியில், மாநகராட்சி ஆணையா் எச்.எஸ். ஸ்ரீகாந்த், ஒசூா் சாா் ஆட்சியா் பிரியங்கா, மாவட்ட சமூக நல அலுவலா் சக்தி சுபாசினி, முன்னோடி வங்கி மேலாளா் சரவணன், கல்லூரிக் கல்வி இணை இயக்குநா் (தருமபுரி மண்டலம்) சிந்தியா செல்வி, ஒசூா் அரசு கலை, அறிவியல் கல்லூரி முதல்வா் வெங்கடேசன், கிருஷ்ணகிரி அரசு மகளிா் கலை, அறிவியல் கல்லூரி முதல்வா் கீதா, மாமன்ற உறுப்பினா் சென்னீரப்பா, ஒசூா் வட்டாட்சியா் சின்னசாமி, மத்திய கூட்டுறவு வங்கி மேலாளா் முருகதாஸ், மகளிா் அதிகார மைய மாவட்ட ஒருங்கிணைப்பாளா் ராகவி உள்ளிட்ட பலா் கலந்து கொண்டனா்.
