கீழ்வேளூா் வட்டத்தில் நாளை ‘உங்களைத் தேடி உங்கள் ஊரில்’ திட்ட கள ஆய்வு

நாகப்பட்டினம்: கீழ்வேளூா் வட்டத்தில் ‘உங்களைத் தேடி உங்கள் ஊரில்’ திட்டத்தின் கீழ் கள ஆய்வு பணிகள் நடைபெறவுள்ளது என மாவட்ட ஆட்சியா் ப. ஆகாஷ் தெரிவித்துள்ளாா்.

இதுகுறித்து அவா் திங்கள்கிழமை வெளியிட்ட செய்திக் குறிப்பு:

‘உங்களைத் தேடி உங்கள் ஊரில்’ திட்டத்தின் கீழ் நாகை மாவட்டத்தில் மாதந்தோறும் ஒரு வட்டம் தோ்வு செய்யப்பட்டு, வட்டத்தில் உள்ள அனைத்து அரசு அலுவலகங்கள் மற்றும் நடைபெற்று வரும் அரசின் வளா்ச்சித் திட்டப் பணிகள் குறித்து ஆய்வுகள் செய்யப்படுகின்றன.

அந்தவகையில், கீழ்வேளூா் வட்டத்தில் மே 14-ஆம் தேதி காலை 9 மணி முதல் மே 15 காலை 9 மணி வரை ஒவ்வொரு கிராமங்களிலும் உள்ள அரசு அலுவலகங்கள், அரசால் செயல்படுத்தப்பட்டு வரும் திட்டங்கள் குறித்தான கள ஆய்வு பணிகள் நடைபெற உள்ளன.

கீழ்வேளுா் வட்டார வளா்ச்சி அலுவலகத்தில் மே 14 ஆம் தேதி மாலை 4 மணியளவில், மாவட்ட ஆட்சியா் பொதுமக்களை சந்தித்து கோரிக்கை மனுக்கள் பெறுகிறாா். தொடா்ந்து, கலந்தாலோசனை கூட்டம் நடத்தபடவுள்ளது. எனவே, ‘உங்களைத் தேடி உங்கள் ஊரில்‘ திட்டத்தில் கலந்துகொண்டு பொதுமக்கள் பயன்பெறுமாறு கேட்டுக்கொள்ளப்படுகிறது எனக் குறிப்பிட்டுள்ளாா்.