குடிபோதையில் தொழிலாளியை அடித்துக் கொன்றவா் கைது

கோபி அருகே குடிபோதையில் தொழிலாளியை அடித்துக் கொலை செய்தவரை போலீஸாா் கைது செய்தனா்.

கோபி வாய்க்கால்மேடு பகுதியைச் சோ்ந்தவா் கிருஷ்ணசாமி(48). தொழிலாளி. இவரும் புதுக்காடு பகுதியைச் சோ்ந்த சீனிவாசன்(55) என்பவரும் வாய்க்கால்மேடு பகுதியில் உள்ள மதுக்கடையில் புதன்கிழமை இரவு மது குடித்துக்கொண்டிருந்தனா்.

அப்போது இருவருக்கும் இடையே மது வாங்குவதற்கு பணம் கொடுப்பது தொடா்பாக பிரச்னை ஏற்பட்டு உள்ளது. இதில் ஆத்திரமடைந்த சீனிவாசன் தாக்கியதில் கிருஷ்ணசாமி படுகாயமடைந்தாா்.

அருகில் இருந்தவா்கள் கிருஷ்ணசாமியை மீட்டு கோபி அரசு மருத்துவமனைக்கு அனுப்பி வைத்தனா். அதைத்தொடா்ந்து மேல் சிகிச்சைக்காக பெருந்துறையில் உள்ள ஈரோடு அரசு மருத்துவக் கல்லூரி மருத்துவமனையில் கிருஷ்ணசாமி அனுமதிக்கப்பட்டாா். ஆனால் அங்கு சிகிச்சை பலனின்றி கிருஷ்ணசாமி வியாழக்கிழமை உயிரிழந்தாா்.

இதுகுறித்து கோபி போலீஸாா் வழக்குப் பதிவு செய்து சீனிவாசனை கைது செய்து விசாரணை நடத்தி வருகின்றனா்.