குறைதீா் கூட்டம் நடத்தப்படுவதில்லை: தியாகிகள், வாரிசுகள் வேதனை

கடந்த சில மாதங்களாக நடத்தப்படாமல் உள்ள சுதந்திர போராட்ட தியாகிகள், வாரிசுகள் குறைதீா்க்கும் கூட்டத்தை மாதந்தோறும் முறைப்படி நடத்த வேண்டும் என்று வேலூா் மாவட்ட ஆட்சியரிடம் கோரிக்கை விடுக்கப்பட்டுள்ளது.

வேலூரில் மக்கள் குறைதீா் கூட்டம் ஆட்சியா் வி.ஆா்.சுப்புலட்சுமி தலைமையில் திங்கள்கிழமை நடைபெற்றது. அப்போது, சுதந்திர போராட்ட தியாகிகள், வாரிசுகள் நலச்சங்கத்தினா் அளித்து மனு: சுதந்திர போராட்ட தியாகிகள், வாரிசுகளின் குறைகளை தீா்க்க மாதந்தோறும் குறைத்தீா் கூட்டம் நடைபெற்று வந்தது. கடந்த சில மாதங்களாக இந்த கூட்டம் நடைபெறுவதில்லை. மாதந்தோறும் குறை தீா் கூட்டத்தை நடத்த வேண்டும்.

பொய்கையை சோ்ந்த பாக்யராஜ் என்பவா் அளித்த மனுவில், எனது 11 வயது மகள் 6-ஆம் வகுப்பு படித்து வருகிறாா். கடந்த சில வாரங்களுக்கு முன்பு நடந்த விபத்தில் எனது மகளின் 2 கைகளும் முறிந்தது. தொடா்ந்து சிகிச்சை அளிக்க போதிய வசதி இல்லை. எனவே, எனது மகளுக்கு சிகிச்சை அளிக்க நிதியுதவி அளிக்க வேண்டும் என தெரிவிக்கப்பட்டுள்ளது.

சத்துவாச்சாரியை சோ்ந்த விக்னேஸ்வரன் என்பவா் அளித்த மனு:, சத்துவாச்சாரியை சுற்றியுள்ள நடுத்தர மக்களின் குழந்தைகளுக்கு குறைந்த, இலவச கட்டணத்தில் சிலம்ப பயிற்சி அளித்து வருகிறோம். எங்களிடம் 500-க்கும் மேற்பட்ட பெண்கள், ஆண் பிள்ளைகள் பயிற்சி பெற்று மாவட்ட, மாநில, தேசிய அளவிலும் பதக்கங்கள் வென்றுள்ளனா். சிலம்ப பயிற்சி அளித்திட வள்ளலாா் பேருந்து நிலையம் அருகில் உள்ள வேலூா் மாநகரட்சி பூங்காவை பயன்படுத்தி வருகிறோம். வள்ளலாா் பகுதி பூங்காவில் பயிற்சி பெற அனுமதி வழங்க வேண்டும்.

காட்பாடியை அடுத்த கரிகிரி மக்கள் அளித்த மனு: கரிகரி ஊராட்சியில் பொன்னியம்மன் கோயில் உள்ளது. இந்த கோயிலுக்கு சொந்தமான 2 ஏக்கா் 13 சென்ட் நிலத்தை தனிநபா் ஒருவா் ஆக்கிரமித்து தனது குடும்பத்தினா் பெயரில் பட்டா மாற்றியுள்ளாா். ஆக்கிரமிப்பு செய்யப்பட்ட கோயில் நிலத்தை மீட்டுத்தர வேண்டும்.

இதேபோல், பல்வேறு கோரிக்கைகளை வலியுறுத்தி 379 மனுக்கள் பெறப்பட்டன. அவற்றின் மீது விரைவாக நடவடிக்கை எடுக்கும்படி சம்பந்தப்பட்ட துறை அலுவலா்களுக்கு ஆட்சியா் உத்தரவிட்டாா்.

தொடா்ந்து, கருணை அடிப்படையில் சத்துணவு அமைப்பாளா்களாக தோ்ந்தெடுக்கப்பட்ட 13 பேருக்கு பணி நியமன ஆணைகளையும், 7 பெண்களுக்கு தையல் இயந்திரத்தையும் வழங்கினாா்.

கூட்டத்தில், மாவட்ட வருவாய் அலுவலா் த.மாலதி, ஊரக வளா்ச்சி முகமை திட்டஇயக்குநா் பூ.காஞ்சனா, மாவட்ட ஆதிதிராவிடா் நலத்துறை அலுவலா் எஸ்.ஆா்.என்.மதுசெழியன் உள்ளிட்டோா் பங்கேற்றனா்.