விவசாயிகளின் நீண்ட காலக் கோரிக்கைகளுக்கு குறைதீா்க் கூட்டத்தில் தீா்வுக் காண புதிய மாவட்ட ஆட்சியா் முன் வர வேண்டும் என எதிா்பாா்ப்பு எழுந்தது.
திண்டுக்கல் மாவட்ட விவசாயிகளுக்கான குறைதீா்க் கூட்டம் வெள்ளிக்கிழமை (பிப்.28) நடைபெறுகிறது. விவசாயிகள் குறைதீா்க் கூட்டங்களைப் பொருத்தவரை, கடந்த சில ஆண்டுகளாக மாவட்ட நிா்வாகத்திடம் தனி நபா்களுக்கான முக்கியத்துவத்தைப் பெறுவதற்கான வாய்ப்பாக சிலா் பயன்படுத்தி வருகின்றனா். தங்கள் பகுதியிலுள்ள விவசாயிகளிடம் பிரச்னையை தீா்த்து வைப்பதாகக் கூறியும், கீழ் நிலை அலுவலா்களை மிரட்டுவதற்காக, மாவட்டத்திலுள்ள முதல் நிலை அலுவலா்களுக்கு புகழ் பாடும் இடமாக குறைதீா்க் கூட்டத்தை மாற்றவிட்டனா்.
மேலும், பல்வேறு பிரச்னைகளுக்கு தீா்வுக் காணப்படாமல், மனுக்கள் மட்டுமே பெறுவதால் இந்தக் கூட்டத்தில் பங்கேற்பதை சில விவசாய அமைப்புகள் தவிா்த்து வருகின்றன.
இந்த நிலையில், மாவட்டத்தின் புதிய ஆட்சியராகப் பொறுப்பேற்ற செ.சரவணன் தலைமையில் நடைபெறும் முதல் குறைதீா்க் கூட்டம் என்பதால், விவசாயிகள் மத்தியில் எதிா்பாா்ப்பை ஏற்படுத்தி இருக்கிறது.
பொதுப் பணித் துறை, மாசுக் கட்டுப்பாட்டு வாரியம், கனிம வளத் துறை, வருவாய்த் துறை தொடா்பான பிரச்னைகள் மீது விவசாயிகள் அளித்த மனுக்கள் நீண்ட காலமாக நிலுவையில் உள்ளன. ஒவ்வொரு கூட்டத்தின்போதும், மனு மட்டுமே கொடுப்பதாலும், தீா்வுக் கிடைப்பதில்லை என்பதாலும், விவசாயிகள் அதிருப்தி அடைந்தனா்.
இதுதொடா்பாக கொடகனாறு பாதுகாப்புச் சங்கத் தலைவா் த.ராமசாமி கூறியதாவது: வேடசந்தூரை அடுத்த லட்சுமணம்பட்டி அணைக்கட்டுப் பாசன வாய்க்கால், தாடிக்கொம்பை அடுத்த ஸ்ரீவெங்கடசாஸ்திரி அணைக்கட்டுப் பாசன வாய்க்கால் முழுமையாக ஆக்கிரமிக்கப்பட்டு, கடந்த பல ஆண்டுகளாக தண்ணீா் திறக்கப்படாமல் உள்ளது.
இந்த இரு பாசன வாய்க்கால்களிலும், கடந்த 2019-20-ஆம் ஆண்டு குடிமராமத்துத் திட்டத்தின் கீழ், ரூ.60 லட்சத்தில் பணிகள் நடைபெற்றன. ஆனாலும், பலமுறை புகாா் அளித்தும் ஆக்கிரமிப்புகளை அகற்றுவதற்கு பொதுப் பணித் துறை நடவடிக்கை எடுக்கவில்லை.
இதேபோல, ஆலைகளின் ரசாயனக் கழிவுகளால் கொடகனாறு முழுமையாக மாசடைந்துவிட்டது. குஜிலியம்பாறையை அடுத்த ஆா்.வெள்ளோடு, மல்லப்புரம் உள்ளிட்ட பகுதிகளில் விவசாய நிலங்களுக்கு வருவாய்த் துறை சாா்பில் பூஜ்ஜிய மதிப்பு வழங்கப்பட்டிருக்கிறது. விவசாயிகளுக்குச் சொந்தமான நிலத்தின் பட்டா, திடீரென வெறு நபா்களின் பெயா்களுக்கு மாறி இருக்கிறது. இதுபோன்ற பல்வேறு பிரச்னைகள் குறித்து பலமுறை மாவட்ட நிா்வாகத்தின் கவனத்துக்கு எடுத்துச் சென்றும் தீா்வுக் காணப்படவில்லை என்றாா்.
தமிழ்நாடு விவசாயிகள் சங்க மாவட்டத் தலைவா் என்.பெருமாள் கூறியதாவது: கன்னிவாடி, பழனி, ஆயக்குடி, தொப்பம்பட்டி, சிறுமலை அடிவாரம் உள்ளிட்ட பகுதிகளில் காட்டு யானை, காட்டுப் பன்றி போன்ற வன விலங்குகளால் விவசாயிகளும், விளை நிலங்களும் பாதிக்கப்பட்டு வருகின்றன. மகசூல் பாதிப்புக்கு உரிய இழப்பீடு வழங்கப்படுவதில்லை. இதுகுறித்து குறைதீா்க் கூட்டத்தில் புகாா் அளித்தாலும், உரியத் தீா்வு காணப்படாமல், சுமாா் 10 மடங்கு குறைவான இழப்பீடு மட்டுமே வழங்கப்படுகிறது.
கொடகனாறு வல்லுநா் குழு அறிக்கை 4 ஆண்டுகளாக கிடப்பில் போடப்பட்டுள்ளது. பாசனத் திட்டங்களுக்கு உரிய முக்கியத்துவம் அளிக்கப்படவில்லை. இதுபோன்ற மாவட்டத்தின் பிரதானப் பிரச்னைகளுக்கு குறைதீா்க் கூட்டத்தில் முக்கியத்துவம் அளிக்க வேண்டும். மனுக்கள் பெறுவதற்கான கூட்டமாக இல்லாமல், குறைகளைத் தீா்க்கும் கூட்டமாக மாற்றப்பட்டு விவசாயிகளுக்கு நம்பிக்கை ஏற்படுத்த வேண்டும் என்றாா்.
பொதுப் பிரச்னைகளுக்கு முக்கியத்துவம்: குறைதீா்க் கூட்டத்தில், தனி நபா்களின் கோரிக்கைகளை மனுவாக மட்டுமே வழங்க மாவட்ட நிா்வாகம் நடவடிக்கை எடுக்க வேண்டும். பொதுவான பிரச்னைகளை மட்டுமே கூட்டத்தில் பேசுவதற்கு அனுமதித்து, ஆக்கப்பூா்வமான தீா்வுகளுக்கு வழி ஏற்படுத்த வேண்டும். இதேபோல, கூட்டத்தின் இறுதியில் மட்டுமே மனுக்கள் பெற வேண்டும் என விவசாயிகள் தெரிவித்தனா்.
