பழனி அருகே கஞ்சா பதுக்கி வைத்திருந்த 4 பேரை போலீஸாா் கைது செய்து, அவா்களிடமிருந்து மூன்றே கால் கிலோ கஞ்சாவை திங்கள்கிழமை பறிமுதல் செய்தனா்.
பழனி சுற்றுவட்டாரப் பகுதிகளில் இளைஞா்கள் மத்தியில் கஞ்சா விற்பனை அதிகரித்து உள்ளதாகக் கிடைத்த தகவலைத் தொடா்ந்து, கடந்த சில நாள்களாக போலீஸாா் தீவிர கண்காணிப்பில் ஈடுபட்டு வந்தனா்.
பழனி அருகேயுள்ள ஆயக்குடி காவல் நிலைய போலீஸாா் திங்கள்கிழமை கொடைக்கானல் சாலையில் உள்ள வண்ணாந்துறை மீன் பண்ணை பகுதியில் ரோந்து சென்றனா். அப்போது, அங்கு ஆடு மேய்த்துக் கொண்டிருந்த மனோகரன் என்பவரிடம் சந்தேகத்தின் பேரில் விசாரணை செய்தபோது, அவா் முன்னுக்குப் பின் முரணாகப் பதிலளித்தாா். இதையடுத்து, அவரது தோட்டத்தை சோதனை செய்த போது, அங்கு தூக்குவாளி, காா் டியூப் ஆகியவற்றில் கஞ்சாவை பதுக்கி வைத்திருந்தது தெரியவந்தது.
இதையடுத்து, அவரிடம் போலீஸாா் தீவிர விசாரணை மேற்கொண்டதில், பழனி அடிவாரத்தைச் சோ்ந்த மணிகண்டன் (32), பாளையத்தைச் சோ்ந்த கருணாகரன் (47), நெய்க்காரப்பட்டியைச் சோ்ந்த முத்து (40) ஆகிய 4 பேரும் கூட்டாக கஞ்சா விற்பனையில் ஈடுபட்டது தெரிய வந்தது. இதையடுத்து, நான்கு பேரையும் போலீஸாா் கைது செய்து, அவா்களிடமிருந்து மூன்றரை கிலோ கஞ்சாவை பறிமுதல் செய்தனா்.
