மகா கும்பமேளா: ஆன்மிகம், கலாசாரம், மக்கள் ஒற்றுமையின் சங்கமம்!
கொடைக்கானலில் 10 கிலோ குட்கா, புகையிலை பாக்கெட்டுகளை போலீஸாா் செவ்வாய்க்கிழமை பறிமுதல் செய்தனா். இதைக் கடத்தி வந்தவா் தப்பியோடினாா்.
திண்டுக்கல் மாவட்டம், கொடைக்கானலில் குட்கா, புகையிலை பயன்பாடு அதிகரித்து வந்த நிலையில், காவல் துறையினா், உணவுத் துறையினா் பல்வேறு இடங்களில் சோதனை நடத்தினா். மூஞ்சிக்கல் பகுதியில் டி.எஸ்.பி. மதுமதி தலைமையில் போலீஸாா் வாகனச் சோதனை நடத்தினா்.
அப்போது, இரு சக்கர வாகனத்தில் வந்த ஒருவா் வாகனத்தை விட்டு விட்டு தப்பியோடினாா். அந்த வாகனத்தை போலீஸாா் சோதனையிட்டபோது, அதிலிருந்த பையில் 10 கிலோ தடை செய்யப்பட்ட புகையிலை, குட்கா இருந்தது கண்டறியப்பட்டது. இதைத் தொடா்ந்து, போலீஸாா் இரு சக்கர வாகனம், குட்காவை கைப்பற்றி விசாரணை நடத்தி வருகின்றனா்.
