சாலை விபத்தில் ஒருவா் உயிரிழப்பு

ஒட்டன்சத்திரம் அருகே இரு சக்கர வாகனத்திலிருந்து தவறி கீழே விழுந்தவா் உயிரிழந்தாா்.

திண்டுக்கல் மாவட்டம், ஒட்டன்சத்திரம் அருகே உள்ள சின்னகரட்டுப்பட்டியைச் சோ்ந்த பழனிச்சாமி மகன் முருகேசன் (42). இவா் குஜராத் மாநிலத்தில் பணியாற்றி வந்தாா்.

இந்த நிலையில், முருகேசன் சின்னகரட்டுப்பட்டியில் கட்டி வரும் வீட்டைப் பாா்க்க திங்கள்கிழமை இரு சக்கர வாகனத்தில் சென்றுகொண்டிருந்தாா். அப்போது, எதிா்பாராதவிதமாக வாகனத்திலிருந்து தவறி கீழே விழுந்தாா்.

இதில் பலத்த காயமடைந்த அவரை அருகில் இருந்தவா்கள் மீட்டு ஒட்டன்சத்திரம் தனியாா் மருத்துவமனையில் சோ்ந்தனா். பின்னா் தீவிர சிகிச்சைக்காக கோயம்புத்தூா் மருத்துவமனைக்கு கொண்டு சென்றனா். ஆனால், வழியிலேயே அவா் உயிரிழந்தாா்.

இது குறித்து ஒட்டன்சத்திரம் போலீஸாா் வழக்குப்பதிவு செய்து விசாரணை நடத்தி வருகின்றனா்.