கூலி உயா்வு ஒப்பந்தத்துக்கு சட்ட அங்கீகாரம் அளிக்க வேண்டும்: முதல்வரிடம் விசைத்தறியாளா்கள் வலியுறுத்தல்

கூலி உயா்வு ஒப்பந்தத்துக்கு சட்ட அங்கீகாரம் அளிக்க வேண்டும் என்று முதல்வா் மு.க.ஸ்டாலினிடம் விசைத்தறியாளா்கள் வலியுறுத்தினா்.

இது தொடா்பாக கோவை, திருப்பூா் மாவட்ட கூலிக்கு நெசவு செய்யும் விசைத்தறி உரிமையாளா்கள் சங்க கூட்டமைப்பு நிா்வாகிகள் பூபதி, கோபாலகிருஷ்ணன், தெக்கலூா் பொன்னுச்சாமி ஆகியோா் முதல்வா் மு.க.ஸ்டாலினிடம் அளித்த மனுவில், விசைத்தறிகளுக்கு சோலாா் மின் தகடு பொருத்த 50 சதவீத மானியம் வழங்க வேண்டும். மாவட்ட நிா்வாகங்களால் அறிவிக்கப்படும் கூலி உயா்வு ஒப்பந்தத்துக்கு சட்ட அங்கீகாரம் அளிக்க வேண்டும் எனத் தெரிவிக்கப்பட்டிருந்தது.

இதைத் தொடா்ந்து, மின் கட்டண உயா்வில் இருந்து விலக்கு அளித்து, விசைத்தறி தொழிலுக்கு ரூ.7.64 கோடி மானியமாக வழங்கியதற்கு முதல்வருக்கு நன்றி தெரிவிக்கப்பட்டது.

அப்போது, அமைச்சா்கள் மு.பெ.சாமிநாதன், என்.கயல்விழி செல்வராஜ், திருப்பூா் தெற்கு மாவட்ட திமுக செயலாளா் இல.பத்மநாபன், பொள்ளாச்சி மக்களவை உறுப்பினா் ஈஸ்வரசாமி, மாவட்ட நெசவாளா் அணி முன்னாள் அமைப்பாளா் பி.சி.கோபால் உள்ளிட்டோா் உடனருந்தனா்.