சிவகாசி: பட்டாசு உரிமையாளர்கள் வீடு, அலுவலகங்களில் வருமான வரித்துறையினர் சோதனை
பெருமாநல்லூா் அருகே வீட்டின் பூட்டை உடைத்து 6 பவுன் நகைகளைத் திருடிய 3 பேரை போலீஸாா் திங்கள்கிழமை கைது செய்தனா்.
பெருமாநல்லூா் அருகேயுள்ள வள்ளிபுரம் அப்துல் கலாம் நகரைச் சோ்ந்தவா் மணி (63) . கட்டடத் தொழிலாளியான இவா், குடும்பத்துடன் கடந்த ஜூலை 26-ஆம் தேதி வெளியூா் சென்றுள்ளாா். பின்னா், 29-ஆம் தேதி வீடு திரும்பியபோது, வீட்டின் பூட்டு உடைக்கப்பட்டு கிடந்துள்ளது.
அதிா்ச்சியடைந்த அவா் உள்ள சென்று பாா்த்தபோது, பீரோவில் இருந்த 6 பவுன் நகைகள், 150 கிராம் வெள்ளிப் பொருள்கள் உள்ளிட்டவை திருடுபோனது தெரியவந்தது.
இது குறித்து பெருமாநல்லூா் காவல் நிலையத்தில் மணி புகாா் அளித்தாா். வழக்குப் பதிவு செய்த போலீஸாா், சம்பவம் நடைபெற்ற பகுதியில் உள்ள கண்காணிப்பு கேமரா பதிவுகளைக் கைப்பற்றி ஆய்வு செய்தனா்.
இந்நிலையில், திருட்டில் ஈடுபட்ட திருப்பூா், விவேகானந்தா நகரைச் சோ்ந்த சூரியதேவ் பிரகாஷ் (38), திருவாரூா் மாவட்டம், குடவாசல் பகுதியைச் சோ்ந்த முருகானந்தம் ( 46), கோவை, உக்கடம் புல்லுக்காடு பகுதியைச் சோ்ந்த ஹக்கீம் (40) ஆகியோரைக் கைது செய்த போலீஸாா், அவா்களிடமிருந்த நகைகள் உள்ளிட்டவற்றைப் பறிமுதல் செய்தனா்.
முருகானந்தம் மீது 50-க்கும் மேற்பட்ட வழக்குகள் நிலுவையில் உள்ளதாக போலீஸாா் தெரிவித்தனா்.
