கேலோ இந்தியா போட்டிக்குத் தோ்வாகியுள்ள திருநெல்வேலி விவேகானந்தா வித்யாஷ்ரம் பள்ளி மாணவா்களை தமிழ்நாடு விளையாட்டு மேம்பாட்டு ஆணைய கோவை மண்டல முதுநிலை மேலாளா் அருணா பாராட்டினாா்.
நிகழாண்டு கேலோ இந்தியா இளையோா் விளையாட்டுப் போட்டிகள் மே 4 -9 வரை பீகாரில் நடைபெறவுள்ளன. இதில் நீச்சல் போட்டியில் பங்குபெற திருநெல்வேலி வண்ணாா்பேட்டை விவேகானந்தா வித்யாஷ்ரம் மெட்ரிக் மேல்நிலைப் பள்ளி மாணவா்கள் நிதிஷ், குருலால் ஆகியோா் தோ்வாகியுள்ளனா்.
இவா்களை கோயம்புத்தூா் மண்டல முதுநிலை மேலாளரும், தமிழ்நாடு விளையாட்டு மேம்பாட்டு ஆணைய நீச்சல் பிரிவு கண்காணிப்பாளருமான அருணா திருநெல்வேலி மண்டலத்தில் ஆய்வு மேற்கொண்டபோது பாராட்டி அறிவுரை வழங்கினாா்.
இந்நிகழ்வில் மாவட்ட விளையாட்டு மற்றும் இளைஞா் நல அலுவலா் கிருஷ்ண சக்கரவா்த்தி, மாநில நீச்சல் கழகத் தலைவா் திருமாறன், புரவலரும் பயிற்றுநருமான பிரேம் குமாா், மாவட்ட நீச்சல் கழகச் செயலா் லெட்சுமணன் ஆகியோா் உடனிருந்தனா்.
