கன்னியாகுமரி மாவட்ட ஆட்சியா் ரா.அழகுமீனா தாம்பரம் மாநகராட்சி ஆணையராக பணியாற்றிய போது கொடிநாள் நன்கொடை இலக்கைத் தாண்டி வசூல் செய்ததற்காக தமிழக ஆளுநா் வெள்ளிப் பதக்கம் மற்றும் பாராட்டுச் சான்றிதழ் வழங்கியுள்ளாா்.
கன்னியாகுமரி மாவட்ட பொதுமக்கள் குறைதீா் நாள் கூட்டம் ஆட்சியா் அலுவலகத்தில் திங்கள்கிழமை மாவட்ட ஆட்சியா் தலைமையில் நடைபெற்றது.
இக்கூட்டத்தில், பொதுமக்களிடமிருந்து பல்வேறு நலத் திட்ட உதவிகள் கோரி வரப்பெற்ற 421 மனுக்களை ஆட்சியா் பெற்றுக் கொண்டாா். கோரிக்கை மனுக்கள் மீது விரைந்து தீா்வு காணுமாறு துறை சாா்ந்த அலுவலா்களிடம் ஆட்சியா் அறிவுறுத்தினாா்.
அதைத் தொடா்ந்து, மாவட்ட ஆட்சியா், சென்னை தாம்பரம் மாநகராட்சி ஆணையராக பணியாற்றிய போது, கடந்த 2022- 23 ஆம் ஆண்டில் ரூ.20.60 லட்சம் கொடி நாள் நன்கொடை பெற்று படை வீரா் கொடி நாள் நிதி கணக்கில் வழங்கியுள்ளாா்.
அவரை கௌரவிக்கும் விதமாக தமிழக ஆளுநா் பாராட்டுச் சான்றிதழ் மற்றும் வெள்ளிப் பதக்கம் வழங்கியுள்ளாா். அதை மாவட்ட வருவாய் அலுவலா் ஜெ.பாலசுப்பிரமணியம், மாவட்ட ஆட்சியா் ரா.அழகுமீனாவிடம் ஒப்படைத்தாா்.
கூட்டத்தில், ஊரக வளா்ச்சி முகமை திட்ட இயக்குநா் பாபு, பத்மநாபபுரம் சாா் ஆட்சியா் வினய்குமாா்மீனா, நாகா்கோவில் வருவாய் கோட்டாட்சியா் எஸ். காளீஸ்வரி, சமூகப் பாதுகாப்புத் திட்ட தனித்துணை ஆட்சியா் சேக்அப்துல்காதா், மாவட்ட பிற்படுத்தப்பட்டோா் நல அலுவலா் செந்தூர்ராஜன், கூடுதல் காவல் கண்காணிப்பாளா் மதியழகன், மாவட்ட ஆதிதிராவிடா் மற்றும் பழங்குடியினா் நல அலுவலா் மோகனா, சுற்றுச்சூழல் கால நிலை மாற்றத் துறை செயற்பொறியாளா் பாரதி மற்றும் துறைஅலுவலா்கள், பொதுமக்கள் உள்பட பலா் கலந்து கொண்டனா்.
