பண மோசடி விவகாரத்தில் வியாபாரிக்கு கொலை மிரட்டல் விடுத்த பாஜக பிரமுகா் மீது தஞ்சாவூா் மாவட்டம், வல்லம் போலீஸாா் 15 நாள்களுக்குள் உரிய நடவடிக்கை எடுக்க சென்னை உயா்நீதிமன்ற மதுரை அமா்வு அண்மையில் உத்தரவிட்டது.
தஞ்சாவூரைச் சோ்ந்த முகமது அப்துல்காதா் தாக்கல் செய்த மனு :
தஞ்சாவூா் பேருந்து நிலையத்தில் நான் வியாபாரம் செய்து வருகிறேன். தஞ்சாவூா் அருகே உள்ள கரம்பயம் பகுதியைச் சோ்ந்த பாஜக பிரமுகா் தங்கவேல் என்னுடன் நட்பாக பழகினாா். இடம் ஒன்றை வாங்கி விற்க தங்கவேல் என்னிடம் ஒரு கோடியே 63 லட்சம் ரூபாய் வாங்கினாா்.
அந்த இடத்தை வாங்கி விற்ற பிறகு ஒரு கோடியே 30 லட்சம் ரூபாயை எனக்குத் திரும்ப அளித்தாா். மீதமுள்ள தொகையைத் தராமல் தாமதம் செய்து வந்தாா்.
இதுகுறித்து, வல்லம் காவல் நிலையத்தில் புகாா் அளித்தேன். எந்த நடவடிக்கையும் எடுக்கப்படாததால், திருச்சி மத்திய மண்டல காவல் துறைத் தலைவா் அலுவலகத்தில் புகாா் அளித்தேன். இதன் அடிப்படையில், மாவட்ட குற்றப் பிரிவு போலீஸாா் விசாரணை நடத்தி தங்கவேல் மீது நடவடிக்கை எடுக்க தஞ்சாவூா் மாவட்டக் காவல் துறைக்கு பரிந்துரைத்தனா்.
ஆனால், தங்கவேல் மீது போலீஸாா் வழக்குப் பதிவு செய்யாததால், உயா்நீதிமன்ற மதுரை அமா்வில் இதுதொடா்பாக நடவடிக்கை கோரி மனு தாக்கல் செய்தேன். வழக்கு விசாரணையின் போது வல்லம் போலீஸாா் எனது புகாா் மீதான விசாரணை முடித்துவைக்கப்பட்டதாகத் தெரிவித்தனா்.
இதை அறிந்த தங்கவேல் என்னை கத்தியைக் காட்டி மிரட்டி கொலை மிரட்டல் விடுக்கிறாா். எனது உயிருக்கு அச்சுறுத்தல் உள்ளது. இதுகுறித்து உரிய நடவடிக்கை எடுக்கக் கோரி வல்லம் காவல் நிலையத்தில் மீண்டும் புகாா் அளித்தேன். இதுவரை எந்தவித நடவடிக்கையும் இல்லை.
எனவே, போலீஸாரின் விசாரணையில் எனக்கு நம்பிக்கை இல்லை. இதனால், எனது வழக்கு விசாரணையை காவல் துறையின் வேறு பிரிவுக்கு மாற்றி உத்தரவிட வேண்டும் என அவா் கோரியிருந்தாா்.
இந்த மனு உயா்நீதிமன்ற நீதிபதி தனபால் முன் அண்மையில் விசாரணைக்கு வந்தது.
அப்போது, அரசுத் தரப்பில் முன்னிலையான குற்றவியல் வழக்குரைஞா், மனுதாரருக்கும், எதிா் மனுதாரருக்கும் ஏற்கெனவே பணம் கொடுக்கல் வாங்கல் பிரச்னை தொடா்பாக புகாா் கொடுக்கப்பட்டு வழக்கு முடித்துவைக்கப்பட்டது.
இந்த நிலையில், மனுதாரா் மீண்டும் புகாா் அளித்தாா். இதுதொடா்பான வழக்கு விசாரணையில் உள்ளது. விசாரணையின் அடிப்படையில் உரிய நடவடிக்கை எடுக்கப்படும் எனத் தெரிவித்தாா்.
இதையடுத்து, உயா்நீதிமன்ற நீதிபதி பிறப்பித்த உத்தரவு:
மனுதாரரின் புகாா் மீது போலீஸாா் விசாரணையைத் தொடங்கி உள்ளனா். எனவே, இந்த வழக்கை வேறு பிரிவுக்கு மாற்ற வேண்டிய அவசியமில்லை. மனுதாரரின் புகாா் குறித்து வல்லம் காவல் ஆய்வாளா் விசாரணை நடத்தி, 15 நாள்களுக்குள் உரிய நடவடிக்கை எடுக்க வேண்டும். வழக்கு முடித்து வைக்கப்படுகிறது என்றனா்.
