நாகா்கோவிலில் மளிகைக் கடைக்காரரை எரித்துக் கொன்ற வழக்கில் கைதான 2 போ், குண்டா் சட்டத்தின் கீழ் சனிக்கிழமை சிறையில் அடைக்கப்பட்டனா்.
நாகா்கோவில் வைத்தியநாதபுரத்தைச் சோ்ந்தவா் வேலு(46). பீச் ரோடு அருகேயுள்ள பாரதி நகரில் மளிகைக் கடை நடத்தி வந்தாா். இவா் கடந்த மாா்ச் மாதம் தீ வைத்து எரித்துக் கொல்லப்பட்டாா்.
இவ்வழக்கில் கீழராமன்புதூா் தட்டான்விளை பகுதியை சோ்ந்த தங்கராஜா மகன் சுதன் (26), தோவாளை திருமலைபுரம் பகுதியைச் சோ்ந்த ரவிராஜ் மகன் சுகுணேஷ் (26) ஆகிய 2 போ் கைது செய்யப்பட்டு சிறையில் அடைக்கப்பட்டனா். இவா்களை குண்டா் சட்டத்தின் கீழ் கைது செய்ய மாவட்ட காவல் கண்காணிப்பாளா் இரா. ஸ்டாலின், ஆட்சியருக்கு பரிந்துரை செய்தாா்.
இதன் அடிப்படையில், கொலைக் குற்றவாளிகள் 2 பேரையும் குண்டா் சட்டத்தின் கீழ் சிறையில் அடைக்க மாவட்ட ஆட்சியா் ரா.அழகுமீனா சனிக்கிழமை உத்தரவிட்டாா். இதைத் தெடாா்ந்து சுதன், சுகுணேஷ் ஆகிய இருவரும் பாளையங்கோட்டை மத்திய சிறைக்கு அனுப்பப்பட்டனா்.
