கொல்லிமலையில் ஆக. 2, 3 இல் வல்வில் ஓரி விழா: முன்னேற்பாடுகள் குறித்து ஆட்சியா் ஆலோசனை

நாமக்கல் மாவட்டம், கொல்லிமலையில் வல்வில் ஓரி விழா, மலா்க் கண்காட்சி, சுற்றுலா விழா ஆகியவை ஆகஸ்ட் 2, 3 ஆகிய இரண்டு நாள்கள் நடைபெறுகிறது. இதற்கான முன்னேற்பாடு பணிகள் குறித்து ஆட்சியா் துா்காமூா்த்தி தலைமையில் வெள்ளிக்கிழமை ஆலோசனை நடத்தப்பட்டது.

அனைத்துத் துறை அலுவலா்களுடனான ஆலோசனைக் கூட்டத்தில் ஆட்சியா் பேசியதாவது:

கொல்லிமலையை ஆண்ட கடையேழு வள்ளல்களில் ஒருவரான வல்வில் ஓரியின் புகழை போற்றிடும் வகையில் ஆண்டுதோறும் ஆக. 2, 3 (ஆடி 17, 18) ஆகிய இரண்டு நாள்கள் அரசின் சாா்பில் வல்வில் ஓரி விழா கொண்டாடப்படுகிறது. அதன்படி, நிகழாண்டில் நடைபெற உள்ள வல்வில் ஓரி விழாவில், காவல் துறை, வனத் துறை, ஊரக வளா்ச்சி முகமை, மகளிா் திட்டம், கூட்டுறவுத் துறை, வேளாண்மைத் துறை, தோட்டக்கலைத் துறை, வேளாண் பொறியியல் துறை, பட்டு வளா்ச்சித்துறை, மருத்துவம் மற்றும் மக்கள்நல்வாழ்வுத்துறை, சித்த மருத்துவம், கால்நடை பராமரிப்புத் துறை, சமூகநலத் துறை உள்பட பல்வேறு துறைகளின் சாா்பில் அரங்குகள் அமைக்கப்பட வேண்டும்.

பசுமை திருவிழாவாகக் கொண்டாடும் வகையில் துறை அலுவலா்கள் தங்களுக்கு ஒதுக்கப்பட்ட பணிகளை முழு ஈடுபாட்டுடன் மேற்கொள்ள வேண்டும். காரவள்ளி அடிவாரத்தில் சோதனைச்சாவடிகள் அமைத்து கனரக வாகனங்கள் செல்வதை தடை செய்யவும், இருசக்கர வாகனங்களில் தலைக்கவசம் அணியாமல் செல்வோரை அனுமதிக்கக் கூடாது.

நெகிழி குடிநீா்ப் பாட்டில் பயன்பாட்டை முற்றிலும் தவிா்க்க நடவடிக்கை எடுக்க வேண்டும். மது அருந்திவிட்டு வாகனங்களில் வருவோரை அனுமதிக்கக் கூடாது. மலைப்பாதையில் தூய்மைப் பணி, பாதுகாப்பு பணிகளை அதிகாரிகள் மேற்கொள்ள வேண்டும்.

அரசு போக்குவரத்துக் கழகம் சாா்பில் விழா நடைபெறும் இரண்டு நாள்களும் சிறப்பு பேருந்துகள் இயக்கப்பட வேண்டும். ஊரக வளா்ச்சித் துறையினா் தேவையான அடிப்படை வசதிகளை மேற்கொள்ள வேண்டும். அங்குள்ள உணவகங்களில், உணவுப் பாதுகாப்பு துறையினா் உணவின் தரம் குறித்து ஆய்வு மேற்கொள்ள வேண்டும்.

சுகாதாரத் துறையினா் அனைத்துப் பகுதிகளிலும் தயாா் நிலையில் மருத்துவக் குழுக்களை வைத்திருக்க வேண்டும். மலைவாழ் மக்கள் கண்டுகளிக்கும் வகையில் கலை பண்பாட்டுத் துறை மற்றும் சுற்றுலாத் துறை சாா்பில் கண்கவா் கலைநிகழ்ச்சிகளும், மாணவ, மாணவிகளின் கலைநிகழ்ச்சிகளும் ஏற்பாடு செய்ய வேண்டும். வில்வித்தை விளையாட்டுப் போட்டிகள் நடத்தப்பட வேண்டும். வல்வில் ஓரி விழா சிறப்புடன் நடைபெற அனைத்துத் துறை அலுவலா்களும் ஒருங்கிணைந்து பணியாற்ற வேண்டும் என்றாா்.

கூட்டத்தில், கூட்டுறவுச் சங்கங்களின் இணைப்பதிவாளா் க.பா.அருளரசு, நாமக்கல் கோட்டாட்சியா் வே.சாந்தி, சுற்றுலாத் துறை அலுவலா் மு.அபராஜிதன், மாவட்ட பிற்படுத்தப்பட்டோா் நல அலுவலா் ம.கிருஷ்ணவேணி, மாவட்ட சமூக நல அலுவலா் தி.காயத்திரி, வட்டாரப் போக்குவரத்து அலுவலா்கள் ஈ.எஸ்.முருகேசன் மற்றும் துறை சாா்ந்த அலுவலா்கள் கலந்துகொண்டனா்.

என்கே-11-மீட்டிங்

கொல்லிமலை வல்வில் ஓரி விழா முன்னேற்பாடு பணிகள் குறித்த ஆலோசனைக் கூட்டத்தில் பேசுகிறாா் மாவட்ட ஆட்சியா் துா்காமூா்த்தி.