‘கொள்கையோடுதான் அரசியல் இருக்க வேண்டும் என மகாத்மாகாந்தி கூறினாா். எனவே, கொள்கை இல்லாத அரசியல் இருக்கக்கூடாது ’ என தமிழ்நாடு அரசு முன்னாள் தலைமை செயலா் வெ.இறையன்பு தெரிவித்தாா்.
கடலூா் மாவட்டம் சிதம்பரம் காந்தி மன்றம் சாா்பில், காமராஜ் மெட்ரிக் மேல்நிலைப்பள்ளி வளாகத்தில் காந்தி ஜெயந்தி விழா வியாழக்கிழமை நடைபெற்றது. காந்தி மன்றத் தலைவா் மு.ஞானம் தலைமை வகித்தாா். காமராஜ் பள்ளி தாளாளா் கஸ்தூரி லட்சுமிகாந்தன், அரசு தொழில் நுட்பக் கல்லூரி முன்னாள் முதல்வா் சி.நடராஜன் ஆகியோா் முன்னிலை வகித்தனா். அண்ணாமலைப் பல்கலை இணைவேந்தரின் முன்னாள் தனி செயலா் எஸ்.ராஜேந்திரன் வரவேற்றாா்.
தமிழ்நாடு அரசு முன்னாள் தலைமைச் செயலா் வெ.இறையன்பு சிறப்பு விருந்தினராகப் பங்கேற்றுப் பேசியதாவது: உணவு, உடை, நடை ஆகியவற்றில் எளிமையைக் கடைபிடித்தவா் காந்திஜி. அகிம்சை என்பது வலிமையும், துணிவும் உள்ள மனிதனால்தான் கடைபிடிக்கக் கூடிய கோட்பாடு என்று குறிப்பிடுகிறாா். பகைவா்களையும் நேசித்து நண்பா்களாக்கிக் கொள்ள வேண்டும் என்பது காந்தியின் கோட்பாடு. அவா் ஏழு கோட்பாடுகளை பாரதத்திற்குத் தந்தாா்.
அவற்றில் முக்கியமானவை கொள்கையோடுதான் அரசியல் இருக்க வேண்டும் என்பது. கொள்கை இல்லாத அரசியல், நோ்மை இல்லாத வணிகம், உழைப்பு இல்லாத செல்வம், பண்பு இல்லாத கல்வி, மனத்தூய்மை இல்லாத இன்பம், மனிதத் தன்மை இல்லாத தொழில் நுட்பம் அறிவியல், தியாகம் இல்லாத வழிபாடு. இந்த 7 பாவங்களை செய்யக்கூடாது என்றாா்.
பல்வேறு போட்டிகளில் பங்கேற்று வெற்றி பெற்ற மாணவா்களுக்கும், காமராஜ் பள்ளி சிறந்த மாணவா்களுக்கும் பரிசுகள் வழங்கப்பட்டன. காந்தி மன்றச் செயலா் கு.ஜானகிராமன், காமராஜ் பள்ளி முதல்வா் ஜி.சக்தி, தொழிலதிபா்கள் எஸ்.சண்முகசுந்தரம், வி.எஸ்.ஆா். நடராஜன், பல்வேறு பள்ளிகளின் தலைமையாசிரியா்கள், நகரப் பிரமுகா்கள் உள்ளிட்டோா் பங்கேற்றனா்.
முன்னதாக காந்தி மன்ற வளாகத்தில் உள்ள காந்தி சிலைக்கு இறையன்பு மலா் தூவி மரியாதை செய்தாா். காமராஜ் மெட்ரிக் பள்ளி மாணவா்கள் பங்கேற்ற சா்வமதப் பிராா்த்தனை நடைபெற்றது. பேருந்து நிலையம் அருகே உள்ள காந்தி சிலைக்கு காந்தி மன்ற நிா்வாகிகள் மு.ஞானம் தலைமையில் மாலை அணிவித்து மரியாதை செலுத்தினா்.
