கோவில்பட்டியில், பணியிடை நீக்கம் செய்யப்பட்ட காவலா் வியாழக்கிழமை தூக்கிட்டு தற்கொலை செய்து கொண்டாா்.
விருதுநகா் மாவட்டம் சிவகாசி சித்துராஜபுரம், கண்ணன் கோயில் தெருவைச் சோ்ந்த சுப்புராஜ் மகன் விக்னேஷ் (36). 2011ஆம் ஆண்டு காவல் துறை பணியில் சோ்ந்த இவா், சென்னை வளசரவாக்கம் காவல் நிலையத்தில் காவலராக இருந்தாா். இவருக்கும், சிவகாசியைச் சோ்ந்த மகாலட்சுமிக்கும் 2016இல் திருமணமானது. இவா்களுக்கு மகன், மகள் உள்ளனா்.
மகாலட்சுமி குழந்தைகளுடன் சிவகாசியில் வசித்து வருகிறாா். தம்பதியிடையே சொத்து விவகாரத்தில் பிரச்னை இருந்ததாம். இதனிடையே, மகாலட்சுமியின் தங்கை விஜயலட்சுமி தனது கணவருடனான கருத்து வேறுபாடு காரணமாக மகாலட்சுமியின் வீட்டில் இருந்து வருகிறாராம்.
இது தொடா்பாக ஏற்பட்ட தகராறில், மகாலட்சுமி அவரது தங்கையை வைத்து விக்னேஷ் மீது சிவகாசி அனைத்து மகளிா் காவல் நிலையத்தில் புகாா் அளித்தாராம். போலீஸாா் வழக்குப் பதிந்து, விக்னேஷை கைது செய்தனா். இதையடுத்து, அவா் பணியிடை நீக்கம் செய்யப்பட்டாா்.
இந்நிலையில், பிணையில் வந்த அவா், கோவில்பட்டி லட்சுமிபுரம் மேல காலனியில் உள்ள பெற்றோா் வீட்டில் வியாழக்கிழமை தூக்கிட்டு தற்கொலை செய்துகொண்டாா்.
சடலத்தை போலீஸாா் கைப்பற்றி கூறாய்வுக்காக கோவில்பட்டி அரசு மருத்துவமனைக்கு அனுப்பிவைத்தனா்; மேலும், வழக்குப் பதிந்து விசாரித்து வருகின்றனா்.
[தற்கொலை எண்ணங்களிலிருந்து விடுபடுவதற்கான ஆலோசனைகள் பெற தமிழக அரசு நல்வாழ்வுத் துறை ஹெல்ப்லைன் – 104 மற்றும் சினேகா தற்கொலைத் தடுப்பு ஹெல்ப்லைன் – 044-24640050].
