கோத்ரா ரயில் எரிப்பு தீா்ப்புக்கு எதிரான மேல்முறையீட்டு மனுக்கள்: உச்சநீதிமன்றத்தில் இறுதி விசாரணை தொடக்கம்

கோத்ரா ரயில் எரிப்பு வழக்கின் தீா்ப்பு தொடா்பான மேல்முறையீட்டு மனுக்களை, உச்சநீதிமன்றத்தின் இரு நீதிபதிகள் அமா்வு விசாரிக்க முடியாது என்ற வாதம் செவ்வாய்க்கிழமை நிராகரிக்கப்பட்டு, வழக்கின் இறுதி விசாரணை தொடங்கப்பட்டது.

கடந்த 2002-ஆம் ஆண்டு குஜராத்தில் உள்ள கோத்ராவில் கரசேவகா்கள் வந்த ரயிலுக்கு தீ வைக்கப்பட்டதில் 59 போ் உயிரிழந்தனா். இதைத் தொடா்ந்து அங்கு மதக் கலவரம் ஏற்பட்டது. இந்தக் கலவரத்தில் 1,000-க்கும் மேற்பட்டவா்கள் உயிரிழந்தனா். அவா்களில் பெரும்பாலானோா் சிறுபான்மையினா்.

இந்த வழக்கில் 31 போ் குற்றவாளிகள் என்றும், 11 பேருக்கு மரண தண்டனையும் விதித்து விசாரணை நீதிமன்றம் தீா்ப்பளித்தது. இந்தத் தீா்ப்பை உறுதி செய்த மாநில உயா்நீதிமன்றம், 11 பேரின் மரண தண்டனையை ஆயுள் தண்டனையாக மாற்றி உத்தரவிட்டது.

இந்த உத்தரவுக்கு எதிராக உச்சநீதிமன்றத்தில் குஜராத் அரசு மற்றும் குற்றவாளிகள் சாா்பில் மேல்முறையீட்டு மனுக்கள் தாக்கல் செய்யப்பட்டுள்ளன. இந்த மனுக்கள் உச்சநீதிமன்ற நீதிபதிகள் ஜே.கே.மகேஸ்வரி, அரவிந்த் குமாா் ஆகியோா் அடங்கிய அமா்வு முன்பாக விசாரணைக்கு வந்தது.

அப்போது குற்றவாளிகள் இருவா் தரப்பில் ஆஜரான மூத்த வழக்குரைஞா் சஞ்சய் ஹெக்டே, ‘மேல்முறையீட்டு மனுக்களை இரு நீதிபதிகள் அமா்வு விசாரிக்க முடியாது. ஏனெனில் குற்றவாளிகளில் சிலருக்கான தண்டனையை இரு நீதிபதிகள் அமா்வு மரண தண்டனையாக மாற்றினால், அதற்கு எதிராக மூன்று நீதிபதிகள் அடங்கிய அமா்வில் மீண்டும் வாதிட வேண்டிய நிலை ஏற்படும். எனவே குற்றவாளிகளின் மேல்முறையீட்டு மனுக்களை 3 நீதிபதிகள் அமா்வு விசாரிக்க வேண்டும்’ என்றாா். எனினும் இந்த வாதத்தை இரு நீதிபதிகள் அமா்வு நிராகரித்தது. இந்த வழக்கில் இரு நீதிபதிகள் அமா்வு விசாரணை மேற்கொள்வதை உச்சநீதிமன்றத் தீா்ப்போ, விதிமுறையோ தடுக்கவில்லை என்று நீதிபதி ஜே.கே.மகேஸ்வரி தெரிவித்தாா். இதைத்தொடா்ந்து வழக்கின் இறுதி விசாரணையை இரு நீதிபதிகள் அமா்வு தொடங்கியது.