சாத்தூர்: பட்டாசு ஆலையில் முகம் சிதைந்து சடலமாகக் கிடந்த காவலாளி; விசாரணையில் வெ...
தருமபுரியில் ஓய்வு பெற்ற தொழிலாளா் நலத் துறை அலுவலரின் வீட்டின் கதவை உடைத்து 52 பவுன் நகையை கொள்ளையடித்துச் சென்ற மா்ம நபா்களை போலீஸாா் தேடி வருகின்றனா்.
தருமபுரியை அடுத்த வெண்ணாம்பட்டி வீட்டுவசதி வாரியக் குடியிருப்பு பகுதியில் அடுக்குமாடிக் குடியிருப்பு ஒன்றின் முதல் தளத்தில் வசிப்பவா் தொழிலாளா் நல துறையில் பணியாற்றி ஓய்வு பெற்ற அலுவலா் ராமநாதன் (66). இவா், தனது மனைவி இந்திராணி, மருமகள் ஜெயலட்சுமி மற்றும் பேரக் குழந்தைகளுடன் வசித்து வருகிறாா்.
கடந்த ஒன்றாம் தேதி பெங்களூரில் பணியாற்றி வரும் அவரது மகன் தமிழ்ச்செல்வன் வீட்டிற்கு வந்தாா். அதன்பிறகு அவருடன் குடும்பத்தினா் அனைவரும் பெங்களூரு சென்றனா். பின்னா் செவ்வாய்க்கிழமை தருமபுரியில் உள்ள வீட்டிற்கு அவா்கள் வந்தபோது கதவு உடைக்கப்பட்டு பீரோவில் வைத்திருந்த ஐம்பத்து இரண்டரை பவுன் நகை கொள்ளையடித்து சென்றிருப்பது தெரியவந்தது.
இதுகுறித்து தருமபுரி நகர போலீஸாா் வழக்குப் பதிவு செய்து விசாரித்து வருகின்றனா். இதனிடையே மாவட்டக் காவல் கண்காணிப்பாளா் எஸ்.எஸ்.மகேஸ்வரன், காவல் துணை கண்காணிப்பாளா் சிவராமன் ஆகியோா் கொள்ளை நிகழ்ந்த இடத்தை ஆய்வு செய்தனா். கொள்ளையா்களைப் பிடிக்க தனிப் படை அமைக்கப்பட்டுள்ளது.
