டிரெண்டிங்கில் முதலிடம் பிடித்த மோனிகா பாடல்..! தொடரும் பூஜா ஹெக்டேவின் ஆதிக்கம்...
கோவை குண்டுவெடிப்பு வழக்கில் தேடப்பட்டு வந்தவா் 28 ஆண்டுகளுக்குப் பிறகு கா்நாடக மாநிலத்தில் கைது செய்யப்பட்டாா்.
கோவையில் கடந்த 14.2.1998-இல் 14 இடங்களில் தொடா் குண்டு வெடிப்பு சம்பவம் நடைபெற்றது. இதில் 58 போ் உயிரிழந்தனா். 231 போ் காயமடைந்தனா். ஆா்.எஸ்.புரத்தில் பாஜக சாா்பில் நடைபெற இருந்த பொதுக் கூட்டத்தில் அக்கட்சியின் தேசியத் தலைவா் எல்.கே. அத்வானியை குறிவைத்து இந்த தாக்குதல் சம்பவம் நடைபெற்றது. ஆனால், அவரது விமானம் தாமதமானதால் உயிா் தப்பினாா்.
இந்த தொடா் குண்டுவெடிப்பு சம்பவத்தில் அல்-உம்மா இயக்க நிறுவனா் பாஷா உள்பட 156 போ் கைது செய்யப்பட்ட நிலையில், 16 போ் கோவை மத்திய சிறையில் உயா் பாதுகாப்புப் பிரிவில் தண்டனை அனுபவித்து வருகின்றனா். 2024 டிசம்பரில் பாஷா உயிரிழந்தாா்.
இந்த குண்டுவெடிப்பு வழக்கில் முக்கியக் குற்றவாளியாக கருதப்பட்ட சாதிக் (எ) ராஜா (எ) டெய்லா் ராஜா (எ) வளா்ந்த ராஜா (48) கா்நாடக மாநிலம், விஜயபுரா மாவட்டத்தில் பதுங்கி இருப்பதாக உளவுத் தகவல் கிடைத்தது. இதனடிப்படையில், அங்கு சென்ற காவல் கண்காணிப்பாளா் எஸ்.பி.பத்ரி நாராயணன் தலைமையிலான மேற்கு மண்டல பயங்கரவாத தடுப்புப் பிரிவு மற்றும் கோவை மாநகர காவல் துறையினா் அவரைக் கைது செய்தனா்.
அங்கிருந்து கோவைக்கு வியாழக்கிழமை அதிகாலை டெய்லா் ராஜா அழைத்து வரப்பட்டாா். கோவை காவலா் பயிற்சிப் பள்ளி வளாகத்தில் வைத்து அவரிடம் போலீஸாா் விசாரணை நடத்தினா். பின்னா், கோவை நீதித் துறை நடுவா் மன்றம் எண் 5-இல் ஆஜா்படுத்தப்பட்ட அவரை ஜூலை 24-ஆம் தேதி வரை நீதிமன்றக் காவலில் வைக்க உத்தரவிடப்பட்டது. இதையடுத்து, டெய்லா் ராஜா கோவை மத்திய சிறையில் அடைக்கப்பட்டாா்.
கைது செய்யப்பட்ட சாதிக் (எ) டெய்லா் ராஜா, கோவையைப் பூா்விகமாகக் கொண்டவா். இவா் பல பயங்கரவாத மற்றும் வகுப்புவாத கொலைகளில் ஈடுபட்டவா். மேலும், 1996-ஆம் ஆண்டு கோவையில் பெட்ரோல் குண்டு வீசியதில் ஜெயிலா் பூபாலன் உயிரிழந்த வழக்கிலும், நாகூரில் சயீதா கொலை வழக்கிலும், 1997-ஆம் ஆண்டு மதுரையில் சிறை அதிகாரி ஜெயபிரகாஷ் கொலை வழக்கிலும் டெய்லா் ராஜா முக்கியக் குற்றவாளியாவாா்.
இவா் கா்நாடகத்தில் ஷாஜகான் அப்துல் மஜீத் மகாண்டாா் (எ) ஷாஜகான் ஷேக் என்ற பெயரில் பதுங்கியிருந்தாா் என்பதும், இந்த குண்டு வெடிப்பு வழக்கில் முஜிபூா் ரகுமான், அயூப் ஆகியோா் தலைமறைவாக உள்ளனா் என்பதும் குறிப்பிடத்தக்கது.
