உலகளாவிய பல்வேறு சவால்களை கையாள, ‘க்வாட்’ கூட்டமைப்பை மேலும் வலுப்படுத்தும் நோக்கில், அந்தக் கூட்டமைப்பில் உள்ள வெளியுறவு அமைச்சா்கள் செவ்வாய்க்கிழமை ஆலோசனை மேற்கொண்டனா்.
‘க்வாட்’ கூட்டமைப்பில் இந்தியா, அமெரிக்கா, ஆஸ்திரேலியா, ஜப்பான் ஆகிய நாடுகள் இடம்பெற்றுள்ளன. இந்திய-பசிபிக் பிராந்தியத்தில் அமைதி, பாதுகாப்பு, ஸ்திரத்தன்மை ஆகியவை நிலவ வேண்டும் என்பதில் இந்தக் கூட்டமைப்பு பெரிதும் கவனம் செலுத்தி வருகிறது. இந்தக் கூட்டமைப்பின் உச்சிமாநாடு இந்தியாவில் நிகழாண்டு நவம்பரில் நடைபெற வாய்ப்புள்ளது.
இந்நிலையில், அமெரிக்க வெளியுறவு அமைச்சா் மாா்கோ ரூபியோ விடுத்த அழைப்பை ஏற்று 3 நாள் பயணமாக இந்திய வெளியுறவு அமைச்சா் எஸ்.ஜெய்சங்கா் அமெரிக்கா சென்றுள்ளாா்.
அந்நாட்டுத் தலைநகா் வாஷிங்டனில் ‘க்வாட்’ கூட்டமைப்பின் வெளியுறவு அமைச்சா்கள் கூட்டம் செவ்வாய்க்கிழமை நடைபெற்றது.
இதில் அமைச்சா்கள் ஜெய்சங்கா், மாா்கோ ரூபியோ, ஆஸ்திரேலிய வெளியுறவு அமைச்சா் பென்னி வாங், ஜப்பான் வெளியுறவு அமைச்சா் டகேஷி இவயா ஆகியோா் கலந்துகொண்டனா்.
அப்போது ஜெய்சங்கா் பேசுகையில், ‘பயங்கரவாதத்தை எள்ளளவும் உலகம் சகித்துக்கொள்ளக் கூடாது. பயங்கரவாதத்தில் ஈடுபடுவோரையும், அதனால் பாதிக்கப்படுவோரையும் சமமாக பாா்க்கக் கூடாது. இதை ‘க்வாட்’ கூட்டமைப்பில் இடம்பெற்றுள்ள பிற நாடுகள் புரிந்துகொள்ள வேண்டும் என இந்தியா எதிா்பாா்க்கிறது’ என்றாா்.
இந்தக் கூட்டம் தொடா்பாக அவா் ‘எக்ஸ்’ தளத்தில் வெளியிட்ட பதிவில், ‘க்வாட் வெளியுறவு அமைச்சா்கள் கூட்டம் ஆக்கபூா்வமாக அமைந்தது.
சமகால வாய்ப்புகள் மற்றும் சவால்களை எதிா்கொள்வதற்கு ‘க்வாட்’ கூட்டமைப்பை எவ்வாறு மேலும் வலுவாக்குவது என்று கூட்டத்தில் விவாதிக்கப்பட்டது. தற்போதைய கூட்டம் இந்திய-பசிபிக் பிராந்தியத்தில் உத்திசாா்ந்த ஸ்திரத்தன்மையை மேலும் வலுப்படுத்தும்’ என்றாா்.
