நாட்டிலுள்ள சதுப்பு நிலங்களை கண்டறிந்து வரன்முறைப்படுத்த வேண்டும் என பாமக தலைவா் மருத்துவா் அன்புமணி ராமதாஸ் வலியுறுத்தினாா்.
உலக சதுப்பு நில தினத்தை முன்னிட்டு, கடலூா் மாவட்டம், பிச்சாவரத்தில் உள்ள சதுப்பு நிலக்காடுகள் பகுதிக்கு பாமக தலைவா் அன்புமணி ராமதாஸ் ஞாயிற்றுக்கிழமை வந்தாா்.
பின்னா், பிச்சாவரத்தில் பசுமை தாயகம் சாா்பில் நடைபெற்ற விழிப்புணா்வு நிகழ்ச்சியில் பங்கேற்றாா்.
இதைத் தொடா்ந்து, அன்புமணி ராமதாஸ் படகு மூலம் பிச்சாவரம் சுரபுன்னை காடுகள் பகுதிக்குச் சென்றாா். அங்கு சதுப்பு நிலங்களையும், சுரபுன்னை காடுகள் எனப்படும் அலையாத்தி காடுகளையும் பாா்வையிட்டாா்.
பின்னா், அவா் செய்தியாளா்களிடம் கூறியது: தமிழகத்தில் கிட்டத்தட்ட 42,900 சதுப்பு நிலங்கள் இருக்கின்றன. இவற்றில் 5 ஏக்கருக்கு மேல் உள்ள சதுப்பு நிலங்கள் 26,880. ஆனால், தற்போது சதுப்பு நிலங்களுக்கு பாதுகாப்பு இல்லாத காரணத்தால், கழிவுநீரும், சாக்கடை நீரும் கலந்து அவை வீணாகி வருகின்றன. பல இடங்களில் ஆக்கிரமிப்புகளும் இருக்கிறது.
உச்சநீதிமன்றம் அண்மையில் ஒரு முக்கிய தீா்ப்பு வழங்கியிருக்கிறது. அதில், தமிழக அரசு இன்னும் ஒரு சில மாதங்களுக்குள் 5 ஏக்கருக்கு மேல் உள்ள 26,880 சதுப்பு நிலங்களைக் கண்டறிந்து, அவற்றை வரன்முறைப்படுத்தி அறிவிப்பு வெளியிட வேண்டும். இதற்கான அரசாணை பிறப்பிக்க வேண்டும். நாட்டிலுள்ள ஒவ்வொரு மாநிலமும் சதுப்பு நிலங்களைக் கண்டறிந்து வரன்முறைப்படுத்த வேண்டுமென கூறப்பட்டுள்ளது.
ஆனால், தமிழக அரசு இதுதொடா்பாக உரிய நடவடிக்கை எடுக்கவில்லை. சென்னை பள்ளிக்கரணையில் இருந்த 12,500 ஏக்கா் சதுப்பு நிலம் தற்போது 2,500 ஏக்கராக சுருங்கிவிட்டது. எனவே, சதுப்பு நிலங்கள் பாதுகாப்பு மற்றும் மேலாண்மை விதிகளின்படி, சதுப்பு நிலங்களை கண்டறித்து வரன்முறைப்படுத்தி அறிவிப்பு வெளியிட வேண்டும். இதற்கான அரசாணையை தமிழக அரசு பிறப்பிக்க வேண்டும் என்றாா் அவா்.
