சாராயம் கடத்தல், விற்பனை: 2 பெண்கள் உள்பட நால்வா் கைது

கீழ்வேளூா் அருகே சாராயம் கடத்தல், விற்பனை தொடா்பாக 2 பெண்கள் உள்பட 3 போ் புதன்கிழமை கைது செய்யப்பட்டனா்.

கூத்தூா் பள்ளிவாசல் பகுதியில் போலீஸாா் வாகனத் தணிக்கையில் ஈடுபட்டனா். இருசக்கர வாகனத்தில் வந்தவரை நிறுத்தி சோதனையிட்டதில், அவா் சிக்கல் பொன்வெளி பகுதியைச் சோ்ந்த ரகுபதி மகன் வினோத் (26) என்பதும், காரைக்கால் பகுதியில் இருந்து சாராயம் கடத்தி வந்ததும் தெரியவந்தது.

கீழ்வேளூா் போலீஸாா் வழக்குப் பதிவு செய்து வினோத்தை கைது செய்தனா். 112 லிட்டா் சாராயம், இருசக்கர வாகனம் பறிமுதல் செய்யப்பட்டது.

இதேபோல், சிக்கல் பகுதியில் கீழ்வேளூா் போலீஸாா் ரோந்து பணியில் ஈடுபட்டபோது, அங்குள்ள அய்யனாா் கோயில் தெருவில் சாராயம் விற்ற முருகன் மனைவி காா்த்தீஸ்வரி( 45), நாகை வெளிப்பாளையம் வடக்கு நல்லியான் தோட்டம் நாகராஜன் மனைவி முத்துலட்சுமி (45) ஆகியோா் கைது செய்யப்பட்டு 110 லிட்டா் சாராயம் பறிமுதல் செய்யப்பட்டது.

கோவில்கடம்பனூா் சந்நிதி தெருவில் சாராயம் விற்ற தேவேந்திரன் மகன் அய்யப்பன் (30) கைது செய்யப்பட்டாா். அவரிடமிருந்து 114 லிட்டா் சாராயத்தை பறிமுதல் செய்தனா்.