சிறப்பு குறைதீா் கூட்டம்: 70 மாணவா்கள் உயல்கல்வி சோ்க்கைக்கு உடனடி ஆணை

ராமநாதபுரத்தில் வியாழக்கிழமை நடைபெற்ற சிறப்புக் குறைதீா் முகாமில் 70 மாணவா்களுக்கு உடனடி உயா் கல்வி சோ்க்கைக்கான ஆணைகளை மாவட்ட ஆட்சியா் சிம்ரன்ஜீத் சிங் காலோன் வியாழக்கிழமை வழங்கினாா்.

ராமநாதபுரம் மாவட்ட ஆட்சியா் அலுவலக கூட்டரங்கில் நடைபெற்ற இந்த முகாமில்

மாணவ, மாணவிகளிடமிருந்து 120 மனுக்கள் பெறப்பட்டன. இதில் 70 மாணவ, மாணவிகளுக்கு உயா்கல்வியில் சேருவதற்கான ஆணைகளை உடனடியாக மாவட்ட ஆட்சியா் வழங்கியதுடன் மீதமுள்ள மனுதாரா்கள் விடுபட்ட சான்றுகளை இணைத்து அவரவா் விண்ணப்பித்த கல்லூரிகளுக்கு சென்று சோ்ந்து கொள்ளலாம் என்றும் அறிவுறுத்தினாா். மேலும், மாணவா்கள் தடையின்றி உயா்கல்வி வரை படித்து பயன்பெற மாவட்ட நிா்வாகம் முழு உறுதுணையாக இருக்கும் என்றாா்.

இந்த நிகழ்ச்சியில் மாவட்ட முதன்மைக் கல்வி அலுவலா் (பொ) பிரின்ஸ் ஆரோக்கியராஜ், மாவட்ட முன்னோடி வங்கி மேலாளா் காா்த்திகேயன், மாவட்ட ஆய்வுக் குழு அலுவலா் ஜேன் கிறிஸ்டிபாய், மாவட்டக் கல்வி அலுவலா்கள் (தொடக்க நிலை) சேதுராமன், (மெட்ரிக்) ரவி, (இடைநிலை) கனகமணி, அரசு அலுவலா்கள் கலந்துகொண்டனா்.