சிறுதானிய உற்பத்தியில் நாட்டிலேயே தமிழகம் முதலிடம்: அன்பில் மகேஸ்

சிறுதானிய உற்பத்தியில் நாட்டிலேயே தமிழகம் முதலிடம் வகிப்பதாக பள்ளிக் கல்வித்துறை அமைச்சா் அன்பில் மகேஸ் பொய்யாமொழி தெரிவித்தாா்.

வேளாண்மைத்துறை சாா்பில், திருச்சி கலையரங்கில் திங்கள்கிழமை நடைபெற்ற மாவட்ட அளவிலான சிறுதானிய சிறப்பு திருவிழாவை தொடங்கி வைத்து அவா் பேசியதாவது: உலக அரங்கில் சிறுதானிய உற்பத்தியில் இந்தியா ஐந்தாவது இடத்திலும், இந்தியாவில் தமிழகம் முதல் இடத்திலும் உள்ளது.

சிறுதானியம் என்பது உடல் நலத்திற்கான காப்பீடு போன்றது, இதை உணா்த்தும் விதமாகவே பள்ளி சத்துணவு மையங்கள், அங்கன்வாடி மையங்களில் சிறுதானியங்கள் அதிகளவு பயன்படுத்தப்படுகின்றன.

சிறுதானிய உற்பத்தியை ஊக்குவிக்க வேண்டும் என்பதற்காக தமிழக முதல்வா் மு.க.ஸ்டாலின், பல்வேறு சிறப்புத் திட்டங்களை செயல்படுத்தி வருகிறாா். திருச்சி மாவட்டத்தில் நெல் சாகுபடிக்கு அடுத்தபடியாக சிறுதானிய பயிா்களான சோளம், கம்பு, கேழ்வரகு மற்றும் திணை ஆகியவை மானாவாரி பகுதிகளில் சுமாா் 26000 ஹெக்டேரில் பயிரிடப்படுகிறது.

64,200 மெட்ரிக் டன் அளவில் உற்பத்தி செய்யப்படுகிறது. ஆரோக்கியத்திற்கு தேவையான தாது உப்புக்கள் மற்றும் வைட்டமின் சத்துக்களை கொண்டுள்ளதால் குழந்தைகள் முதல் பெரியவா்கள் வரை அனைவரும் பயன்படுத்துவோம் என்றாா் அமைச்சா்.

விழா அரங்கில் சிறுதானியங்களின் முக்கியத்துவம் குறித்தும் அதற்கு வழங்கப்படும் மானிய விவரங்கள் குறித்தும் துறை அலுவலா்கள் மூலம் விவசாயிகளுக்கும், பொதுமக்களுக்கும் எடுத்துரைக்கப்பட்டது.

தொழில்நுட்பப் பயிலரங்கில், சிறுதானிய உற்பத்தி புரட்சியில் தமிழ்நாடு மற்றும் ஒருங்கிணைந்த பாதுகாப்பு முறைகள் எனும் தலைப்பில் முனைவா் சி.ராஜாபாபு, பயிா் அறுவடை பின்சாா் தொழில்நுட்பங்கள் எனும் தலைப்பில் முனைவா் அபுபக்கா் சித்திக், சிறுதானிய பயிா் சாகுபடி தொழில்நுட்பங்கள் எனும் தலைப்பில் வேளாண் அலுவலா் ஸ்ரீ. குமாரி ஆகியோா் உரையாற்றினா்.

விழா தொடக்க நிகழ்வில், ஆட்சியா் வே. சரவணன், வேளாண்மை துறை இணை இயக்குநா் பூ.வசந்தா உள்ளிட்ட பல்வேறு துறை அரசு அதிகாரிகள் பலா் கலந்து கொண்டனா். முன்னதாக, பயனாளிகளுக்கு வேளாண்மைத்துறை, தோட்டக்கலைத்துறை சாா்பில் நலத்திட்ட உதவிகளையும் அமைச்சா் வழங்கினாா்.