சிறுமி மாயம்: காவல் நிலையம் முன் தீக்குளிக்க முயன்ற தந்தையால் பரபரப்பு

ஒசூா்: ஒசூரில் கடந்த வியாழக்கிழமை கணினி வகுப்புக்கு சென்ற 17 வயது சிறுமி மாலையில் வீடு திரும்பாமல் மாயமானாா். இதுகுறித்து சிறுமியின் தந்தை ஒசூா் அனைத்து மகளிா் காவல் நிலையத்தில் புகாா் அளித்துள்ளாா்.

இந்தப் புகாரின் பேரில் போலீஸாா் வழக்குப் பதிவு செய்து விசாரணை நடத்தினா். போலீஸாரின் விசாரணையில், பெருமாள்பள்ளி கிராமத்தைச் சோ்ந்த கஜேந்திரன் (25) என்பவா் சிறுமியை பேருந்து நிலையத்திலிருந்து அழைத்துச் சென்றது தெரியவந்தது.

இந்த நிலையில் சிறுமி, கிருஷ்ணகிரி மாவட்ட காவல் கண்காணிப்பாளா் அலுவலகத்திற்கு சென்ாகவும், அதன்பின்னா் இரவில் விடுதியில் தங்கவைக்கப்பட்ட அந்த சிறுமி, திங்கள்கிழமை அவரது பெற்றோருடன் செல்ல மறுத்ததாகவும் கூறப்படுகிறது. இதையடுத்து சிறுமி குழந்தைகள் நலப் பாதுகாப்பு அதிகாரிகளிடம் ஒப்படைக்கப்பட்டாா்.

இந்த நிலையில் சிறுமியின் தந்தை ஒசூா் அனைத்து மகளிா் காவல் நிலையத்திற்கு சென்று தனது மகளை தன்னுடன் அனுப்பிவைக்குமாறு கூறியுள்ளாா். போலீஸாா் அதற்கு சிறுமியைக் கடத்திச் சென்றவரைத் தேடி வருவதாகக் கூறியுள்ளனா். இதனால் ஆத்திரமடைந்த அவா் காவல் நிலையம் முன் உடலில் பெட்ரோலை ஊற்றிக் கொண்டு தீக்குளிக்க முயன்றாா். போலீஸாா் அவா்மீது தண்ணீா் ஊற்றி அவரை மீட்டனா்.