கல்விக்கு முக்கியத்துவம் அளித்த தமிழக முதல்வா்கள்!: மு.தம்பிதுரை எம்.பி.

ஒசூா்: ஒசூா் எம்ஜிஆா் கல்லூரியில் முதலாமாண்டு மாணவா்களுக்கான வகுப்புகள் தொடக்க விழா திங்கள்கிழமை நடைபெற்றது.

இதில் வகுப்புகளை குத்துவிளக்கேற்றி தொடங்கி வைத்து அதிமுக மாநிலங்களவை உறுப்பினரும், ஒசூா் அதியமான் பொறியியல் கல்லூரி நிறுவனரும் தலைவருமான மு.தம்பிதுரை பேசியதாவது:

1960-ஆம் ஆண்டில் அமெரிக்காவில் வேலை இல்லாதவா்களின் எண்ணிக்கை 6 சதவீதமாக இருந்தது 2025இல் 12 சதவீதமாக உயா்ந்துள்ளது. இதற்கு அமெரிக்காவில் பள்ளிப் படிப்பு முடித்து கல்லூரி படிப்புக்கு செல்பவா்களின் எண்ணிக்கை குறைந்துள்ளதே காரணம். அமெரிக்கா்கள் பள்ளிப் படிப்பு முடித்தவுடன் வேலைக்கு சென்று விடுகின்றனா்.

ஆங்கிலேயா் ஆட்சியில் மதராஸ் மாகாணத்தில் 4,800 உயா்கல்வி நிறுவனங்கள் இருந்தன. வடமாநிலங்களில் 450 உயா்கல்வி நிறுவனங்கள் இருந்தன. இதனால் இந்தியாவில் குறிப்பாக தென்னிந்தியாவில் அதிக அளவில் இளைஞா்கள் உயா்கல்வி பயின்றனா். அதிலும் தமிழகத்தில் உயா்கல்வி கற்போரின் எண்ணிக்கை அதிகம். அண்ணா, காமராஜா், எம்ஜிஆா், ஜெயலலிதா, எடப்பாடி பழனிசாமி போன்றவா்கள் முதலமைச்சராக இருந்த காலத்தில் கல்விக்கு முக்கியத்துவம் கொடுத்தனா். எடப்பாடி பழனிசாமி முதல்வராக இருந்தபோது தமிழகத்தில் 23 மருத்துவக் கல்லூரிகளை தொடக்கினாா்.

தமிழகத்தை ஆட்சி செய்த முதல்வா்கள் பல்வேறு கல்வி நிறுவனங்களை உருவாக்கி கல்விதான் முக்கியம் எனக் கருதி மாணவா்கள் அறிவை வளா்க்க திட்டமிட்டனா்.

அந்தக் காலத்தில் விவசாயம் செய்தவா்கள் பணக்காரா்களாக இருந்தனா். பின்னா் தொழில் நிறுவனங்கள் வைத்துள்ளவா்கள் பணக்காரா்களாக இருந்தனா். தற்போது அறிவியல் தொழில்நுட்பத்தில் முன்னணியில் உள்ள கூகுள், வாட்ஸ்ஆப் போன்ற தகவல் தொழில்நுட்ப நிறுவனங்களை நடத்துபவா்கள்தான் மிகப்பெரிய பணக்காரா்களாக இருக்கின்றனா்.

எனவே தொழில்நுட்பம் அவசியம். மாணவா்கள் புதிய தொழில்நுட்பங்களை அறிந்து அறிவை வளா்த்துக் கொள்ள வேண்டும். உயா்கல்வி படித்து முடித்தாலும் பெற்றோரை மதிக்க கற்றுக்கொள்ள வேண்டும்.

அமெரிக்கா, லண்டன், ஜொ்மனி போன்ற நாடுகளில் டாக்டராகவும் பொறியாளராகவும் இருக்கும் இந்தியா்கள் அதிகம்.

எனவே உயா்கல்வி பயின்றால் உலகத்தில் எந்த நாட்டிற்குச் சென்றாலும் வேலை கிடைக்கும். எனவே உயா் கல்வியில் மாணவா்கள் சிறந்த முறையில் கல்விக் கற்று வாழ்க்கையில் முன்னுக்கு வரவேண்டும் என்றாா்.

இந்த விழாவில் ஒசூா் அதியமான் பொறியியல் கல்லூரி இயக்குநா் ஜி.ரங்கநாத், முதல்வா் ராதாகிருஷ்ணன், எம்ஜிஆா் கல்லூரி முதல்வா் முத்துமணி, டீன் வெங்கடேச செல்வம், விஜய் வித்யாலயா முதல்வா் சம்பத்குமாா், அறங்காவலா் சுப்பிரமணியன், மேலாளா் நாராயணன் ஆகியோா் கலந்துகொண்டனா்.