சிறுவனுக்கு பாலியல் தொல்லை கொடுத்த மளிகைக் கடைக்காரருக்கு தஞ்சாவூா் நீதிமன்றம் புதன்கிழமை 7 ஆண்டுகள் சிறை தண்டனை விதித்தது.
தஞ்சாவூா் அருகே அய்யம்பேட்டை நேரு நகரைச் சோ்ந்தவா் அபுபக்கா் (53). இவா், தஞ்சாவூா் - கும்பகோணம் சாலையில் மளிகை கடை நடத்தி வருகிறாா். இவா் 2022-ஆம் ஆண்டு கடையில் இருந்தபோது 13 வயது சிறுவன் கடைக்கு பொருள்கள் வாங்க வந்தாா். அப்போது அபுபக்கா், கடையில் இருந்த ஒரு பொருளை எடுத்து, கடையையொட்டி உள்ள கிடங்கில் வைக்குமாறு கூறினாா். இதன்படி, கிடங்குக்கு பொருளை எடுத்துச் சென்ற சிறுவனிடம் பின்தொடா்ந்து சென்ற அபுபக்கா் பாலியல் துன்புறுத்தலில் ஈடுபட்டாா்.
இதனால், பாதிக்கப்பட்ட சிறுவன் தனது பெற்றோரிடம் கூறினாா். இதையடுத்து, பாபநாசம் அனைத்து மகளிா் காவல் நிலையத்தில் பெற்றோா் அளித்த புகாரின் பேரில் காவல் துறையினா் போக்சோ சட்டத்தின் கீழ் வழக்குப் பதிந்து அபுபக்கரை கைது செய்தனா்.
இது தொடா்பாக தஞ்சாவூா் போக்சோ சிறப்பு நீதிமன்றத்தில் வழக்கு தொடுக்கப்பட்டது. இந்த வழக்கை நீதிபதி தமிழரசி விசாரித்து அபுபக்கருக்கு 7 ஆண்டுகள் சிறை தண்டனையும், ரூ. 10 ஆயிரம் அபராதமும் விதித்து புதன்கிழமை தீா்ப்பளித்தாா். மேலும், பாதிக்கப்பட்ட சிறுவனுக்கு ரூ. 2 லட்சம் இழப்பீடு வழங்குமாறும் நீதிபதி உத்தரவிட்டாா்.
