சிவகங்கை நகராட்சியில் தணிக்கையில் கண்டறியப்பட்ட குறைபாடுகள்: சிவகாசி மாநகராட்சி ஆணையா் விசாரணை

சிவகங்கை நகராட்சியில் நடைபெற்ற தணிக்கையின் போது கண்டறியப்பட்ட குறைபாடுகள் குறித்து சிவகாசி மாநகராட்சி ஆணையா் வெள்ளிக்கிழமை விசாரணை நடத்தினாா்.

சிவகங்கை நகராட்சியில் காலி மனையிடங்களுக்கு வரி வசூலிக்காதது, வரி இனங்களை ரத்து செய்தது, கரோனா தொற்று கால கட்டத்தில் முகக் கவசம், கிருமி நாசினி, ‘பிபிகிட்’ உள்ளிட்ட பொருள்களை வாங்கியது உள்ளிட்டவற்றில் முறைகேடு நடைபெற்ாக புகாா்கள் எழுந்தன. இதுதொடா்பாக சிறப்பு தணிக்கை நடத்த அப்போதைய நகராட்சி நிா்வாக இயக்குநா் பொன்னையா உத்தரவிட்டாா்.

இதையடுத்து, கடந்த 2021 ஏப்.1 முதல் 2022 மே 15 -ஆம் தேதி வரையிலான காலக் கட்டத்தில் சிவகங்கை நகராட்சியில் செய்யப்பட்ட செலவினங்கள் குறித்து உள்ளாட்சி நிதித் தணிக்கை உதவி இயக்குநா் செல்வி தலைமையில் சிறப்பு தணிக்கை நடத்தப்பட்டது. இந்தத் தணிக்கை 2022 மே 17 முதல் ஜூன் 3 -ஆம் தேதி வரை நடைபெற்றது.

இதில் பல்வேறு வகைகளில் நகராட்சிக்கு நிதியிழப்பு ஏற்பட்டதாக தணிக்கை அதிகாரிகள் குற்றஞ்சாட்டினா். இதுகுறித்து விசாரணை நடத்த சிவகாசி மாநகராட்சி ஆணையா் சரவணன் நியமிக்கப்பட்டாா்.

இந்த நிலையில், சிவகங்கை நகராட்சி அலுவலகத்துக்கு சனிக்கிழமை வந்த அவா், 2021 ஏப். 1 முதல் 2022 மே 15 - ஆம் தேதி வரையிலான காலக் கட்டத்தில் பணியிலிருந்த 12 அதிகாரிகளை வரவழைத்து விசாரணை நடத்தினாா். காலையில் தொடங்கிய விசாரணை மாலை வரை நீடித்தது.

இதுகுறித்து நகராட்சி அதிகாரிகளிடம் கேட்டபோது, இது வழக்கமாக நடத்தப்படும் துறை ரீதியிலான விசாரணைதான். வேறு எதுவும் இல்லை என்றனா்.