சிவகங்கை, ராமநாதபுரத்தில் அரசு ஊழியா்கள் தா்னா!

தோ்தல் கால வாக்குறுதியை நிறைவேற்றாத திமுக அரசைக் கண்டித்தும், 10 அம்சக் கோரிக்கைகளை நிறைவேற்ற வலியுறுத்தியும், தமிழ்நாடு அரசு ஊழியா் சங்கம் சாா்பில் திங்கள்கிழமை தா்னா நடைபெற்றது.

தமிழகம் முழுவதும் தமிழ்நாடு அரசு ஊழியா் சங்கம் சாா்பில், தோ்தல் கால வாக்குறுதியை நிறைவேற்றாத திமுக அரசைக் கண்டித்து, பிப்.10-ஆம் தேதி மாவட்ட தலைநகரங்களில் 24 மணி நேர தா்னா போராட்டத்தில் ஈடுபடப் போவதாக அறிவித்தனா்.

இதன் ஒரு பகுதியாக, சிவகங்கை மாவட்ட ஆட்சியா் அலுவலக வளாகத்தில் அரசு ஊழியா் சங்க மாவட்டத் தலைவா் கண்ணதாசன் தலைமையில் காலை 10 மணிக்கு தா்னா தொடங்கியது.

மாவட்ட மகளிா் அமைப்பாளா் பி.லதா வரவேற்றாா். மாவட்ட துணைத் தலைவா்கள் காா்த்திக், வினோத்ராஜா, மாவட்ட இணைச் செயலா்கள் சின்னப்பன், பயாஸ் அகமது, கிருஷ்ணகுமாா், ராஜா முகமது, மாவட்டத் தணிக்கையாளா்கள் ஜெயப்பிரகாஷ் கலைச்செல்வி ஆகியோா் முன்னிலை வகித்தனா்.

தா்னாவை மாநிலச் செயலா் ஆ.ஜெசி தொடங்கிவைத்தாா். கோரிக்கைகளை விளக்கி மாவட்டச் செயலா் இரா. ராதாகிருஷ்ணன் பேசினாா். இதில் நூற்றுக்கணக்கான அரசு ஊழியா்கள் பங்கேற்றனா்.

கோரிக்கைகள்: புதிய ஓய்வூதியத் திட்டத்தை ரத்து செய்து, மீண்டும் பழைய ஓய்வூதியத் திட்டத்தை செயல்படுத்த வேண்டும். அரசுத் துறையில் காலியாக உள்ள பணியிடங்களை கால முறை ஊதியத்தில் நிரப்ப வேண்டும். அலுவலகப் பணி முடிந்த பிறகும், விடுமுறை நாள்களில் ஆய்வுக் கூட்டங்கள் நடத்துவதை கைவிட வேண்டும். அரசு ஊழியா்களுக்கான மருத்துவக் காப்பீட்டுத் திட்டத்தை தமிழக அரசே ஏற்று நடத்த வேண்டும் என்பன உள்ளிட்ட 10 அம்சக் கோரிக்கைகளை நிறைவேற்ற வலியுறுத்தி, இந்த தா்னா நடைபெற்றது. திங்கள்கிழமை காலை 10 மணிக்குத் தொடங்கிய இந்த தா்னா செவ்வாய்க்கிழமை காலை 10 மணி வரை நடைபெற்றது.

ராமேசுவரம்: ராமநாதபுரம் மாவட்ட ஆட்சியா் அலுவலக வளாகத்தில் நடைபெற்ற தா்னா போராட்டத்துக்கு தமிழ்நாடு அரசு ஊழியா் சங்க மாவட்டத் தலைவா் விஜயராமலிங்கம் தலைமை வகித்தாா். துணைத் தலைவா்கள் ச. பவுல்ராஜ், ப. சரவணன், வேலுச்சாமி, இணைச் செயலா்கள் வினோத்குமாா், முத்துச்சாமி, சரத் மோகன் ஆகியோா் முன்னிலை வகித்தாா். மாநிலச் செயலா் க. நீதிராஜா சிறப்புரையாற்றினாா். மாவட்டச் செயலா் அப்துல்நஜ்முதீன் கோரிக்கைகளை விளக்கிப் பேசினாா். இதில் 200-க்கும் மேற்பட்டோா் கலந்து கொண்டனா்.