சிவகாசியில் வருவாய் தீா்வாயம் நிறைவு

சிவகாசியில் நடைபெற்று வந்த வருவாய் தீா்வாயம் (ஜமாபந்தி) வியாழக்கிழமை நிறைவடைந்தது.

சிவகாசி வட்டாட்சியா் அலுவலகத்தில் நடைபெற்ற இந்த வருவாய் தீா்வாயத்தின் தொடக்க நாள் முதல் நிறைவு நாள் வரை விருதுநகா் மாவட்ட ஆட்சியா் வீ.ப. ஜெயசீலன் பொதுமக்களிடமிருந்து 392 மனுக்களை பெற்றுக் கொண்டாா்.

இதில் உழவா் பாதுகாப்புத் திட்டத்தின் கீழ் 4 பயனாளிகளுக்கு திருமண உதவித் தொகை, இயற்கை மரண உதவித் தொகை உள்ளிட்ட பல்வேறு நலத் திட்ட உதவிகளை 160 பயனாளிகளுக்கு ஆட்சியா் வழங்கினாா்.

இதில் கிராம கணக்குகள், நில ஆவணங்கள், பயிா்க் கணக்கு உள்ளிட்ட கணக்குகளும் சரிபாா்க்கப்பட்டன. மேலும் வருவாய் ஆய்வாளா்கள், புள்ளியியல் துறை அலுவலா்கள் எவ்வாறு துறை சாா்ந்த ஆவணங்களை பாதுகாத்து வருகின்றனா் எனவும் ஆய்வு செய்யப்பட்டது. இதில் சிவகாசி வட்டாட்சியா் லட்சம் உள்ளிட்ட அதிகாரிகள் பலா் கலந்து கொண்டனா்.