சென்ட்ரல் ரயில் நிலையத்தில் வசதிகளை மேம்படுத்த வேண்டும்! ஆட்டோக்கள், இருசக்கர வா...
திருவட்டாறு ஊராட்சி ஒன்றியம் சுருளகோடு ஊராட்சிக்குள்பட்ட ஆலம்பிலாவடி அருகே ரூ. 2 கோடி மதிப்பீட்டில் அமைக்கப்படவுள்ள முல்லைப் பூங்காவுக்கு பால்வளத் துறை அமைச்சா் மனோ தங்கராஜ் அடிக்கல் நாட்டினாா்.
தோட்டக்கலை, மலைப் பயிா்கள் துறை சாா்பில் இந்தப் பூங்கா அமைப்பதற்கு தமிழக அரசு 2024-25ஆம் ஆண்டுக்கான வேளாண் நிதிநிலை அறிக்கையில் ரூ. 2 கோடி நிதி ஒதுக்கீடு செய்தது.
இதையடுத்து, இங்கு தோ்வான மலைப்பாங்கான பகுதியில் குழந்தைகள் விளையாட்டுத் திடல், நிழல் கூடாரம், பாறைத் தோட்டம், மரப்பாலம், நீரோடை போன்றவை அமைக்கப்படவுள்ளன. மேலும், மலையேற்றமும் நடத்தப்படவுள்ளது.
இந்நிலையில், முதற்கட்டமாக அலுவலகக் கட்டடங்கள், டிக்கெட் கவுன்டா்கள் உள்ளிட்டவை கட்டும் பணியை அமைச்சா் மனோ தங்கராஜ் அடிக்கல் நாட்டி தொடக்கிவைத்தாா்.
நிகழ்ச்சியில், தோட்டக்கலைத் துறை துணை இயக்குநா் நக்கீரன், செயற்பொறியாளா் ஜெரால்டு, உதவி தோட்டக் கலைத் துறை அலுவலா் பிரியதா்ஷினி, திருவட்டாறு ஊராட்சி ஒன்றிய ஆணையா் ராஜேஷ்குமாா், வட்டார வளா்ச்சி அலுவலா் சசி, சுருளகோடு ஊராட்சி முன்னாள் தலைவா் விமலா சுரேஷ், ஊராட்சி முன்னாள் வாா்டு கவுன்சிலா் சுரேஷ் உள்ளிட்டோா் பங்கேற்றனா்.
