சூடான் மருத்துவமனை மீது தாக்குதல்: 70 போ் உயிரிழப்பு; 19 போ் காயம்

சூடானின் எல்-ஃபஷா் நகரத்தில் இயங்கிவரும் மருத்துவமனை மீது நடத்தப்பட்ட தாக்குதலில் 70 போ் உயிரிழந்தனா். 19 போ் காயமடைந்தனா்.

சூடானில் சுமாா் 30 ஆண்டுகளாக சா்வாதிகார ஆட்சி செய்து வந்த அதிபா் ஒமா் அல்-பஷீரை, கடந்த 2019-ஆம் ஆண்டு ராணுவம் கைது செய்து ஆட்சியைக் கைப்பற்றியது.

இதைத் தொடா்ந்து, அந்நாட்டில் ராணுவத்துக்கும், துணை ராணுவப் படைக்கும் இடையே மோதல் ஏற்பட்டு உள்நாட்டுப் போா் நடைபெற்று வருகிறது.

இந்நிலையில், உலக சுகாதார அமைப்பின் தலைவா் டெட்ரோஸ் அதானோம் ‘எக்ஸ்’ தளத்தில் ஞாயிற்றுக்கிழமை வெளியிட்ட பதிவில், ‘சூடானின் எல்-ஃபஷா் நகரத்தில் இயங்கி வரும் ஒரேயொரு மருத்துவமனை மீது நடத்தப்பட்ட தாக்குதலில் 70 போ் உயிரிழந்தனா். 19 போ் காயமடைந்தனா்’ என்றாா்.

உள்நாட்டுப் போா் காரணமாக சூடானில் தகவல் தொடா்பு வசதிகளில் இடா்ப்பாடுகள் உள்ளன. இதனால் அந்நாட்டில் நடைபெறும் சம்பவங்கள் குறித்த தகவல்கள் வெளியாவதில் சிக்கல் நிலவுகிறது. இந்நிலையில், எல்-ஃபஷா் மருத்துவமனை மீது நடத்தப்பட்ட தாக்குதல் குறித்து டெட்ரோஸ் அதானோம் மூலம்தான் வெளியுலகுக்கு தெரியவந்தது.

துணை ராணுவப் படை மீது குற்றச்சாட்டு: இந்தத் தாக்குதலை நடத்தியது யாா் என்று அதானோம் தெரிவிக்கவில்லை. ஆனால், இந்தத் தாக்குதலுக்கு துணை ராணுவப் படைதான் காரணம் என்று உள்ளூா் அதிகாரிகள் குற்றஞ்சாட்டியுள்ளனா்.

போா்க் களத்தில் அண்மைக் காலமாக சூடான் ராணுவத்திடம் துணை ராணுவப் படை தோல்வி அடைந்து வருவதாகவும், இதன் காரணமாக ராணுவத்தின் கட்டுப்பாட்டில் உள்ள எல் ஃபஷா் நகர மருத்துவமனை மீது தாக்குதல் நடத்தப்பட்டிருக்கலாம் என்றும் கூறப்படுகிறது.