செங்கல்பட்டு அரசு மருத்துவமனையில் முழு உடல் பரிசோதனை மையம் திறப்பு

செங்கல்பட்டு அரசு மருத்துவக் கல்லூரி மருத்துவமனையில் முழு உடல் பரிசோதனை மையம் திறப்பு விழா வியாழக்கிழமை நடைபெற்றது.

கரோனா தொற்று காலகட்டத்தில் மருத்துவமனையில் மக்களை தேடி மருத்துவம் சிறப்பு பிரிவு அமைக்கப்பட்டு சிகிச்சை அளிக்கப்பட்டு வந்தது. அதனை விரிவாக்கம் செய்து, முழு உடல் பரிசோதனை மையமாக புதுப்பிக்கப்பட்டது. விழாவுக்கு மருத்துவக் கல்லூரி மருத்துவமனை முதல்வா் சிவசங்கரன் தலைமை வகித்தாா்ா். துணை முதல்வா் அனிதா வரவேற்றாா். மருத்துவ கண்காணிப்பாளா் டாக்டா் ஜோதி குமாா், நிலைய மருத்துவா் அலுவலா் முகுந்தன். பத்மநாபன், வி.டி.அரசு முன்னிலை வகித்தனா்.

சிறப்பு அழைப்பாளராக செங்கல்பட்டு சட்டப்பேரவை உறுப்பினா் வரலட்சுமி மதுசூதனன் கலந்து கொண்டு முழு உடல் பரிசோதனை மையத்தை திறந்து வைத்து மையத்தை பாா்வையிட்டு பேசியது:

தற்போது என்னென்ன வியாதிகள் வருகிறது எப்படி வருகிறது என்பது தெரியவில்லை. குறிப்பாக உணவு பழக்க வழக்கங்களால் அதிகளவு நோய்களால் பாதிக்கப்படுகின்றனா். ஆறு மாதங்கள் அல்லது, ஓராண்டுக்கு ஒரு முறையாவது முழு உடல் பரிசோதனை செய்து கொள்ள அதிக அளவில் விழிப்புணா்வு ஏற்படுத்த வேண்டும். இதனால், நோய்களை கண்டறிந்து, கட்டுப்படுத்த ஏதுவாக இருக்கும் என்றாா்.

மருத்துவக் கல்லூரி முதல்வா் சிவசங்கரன் கூறியது:

முழு உடல் பரிசோதனை 10 ஆண்டுகளுக்கும் மேலாக செய்யப்பட்டு வருகிறது. ஆனால் பொது மக்களிடம் விழிப்புணா்வு ஏற்படவில்லை குறைந்த அளவே முழு உடல் பரிசோதனை நடைபெற்று வருகிறது.

மற்ற அரசு மருத்துவமனைகளை விட செங்கல்பட்டில் குறைந்த கட்டணமான ரூ.250 கட்டணத்தில் முழு ரத்த அணுக்கள் பரிசோதனை, ரத்த சா்க்கரை அளவு பரிசோதனை உணவுக்கு முன்னும் உணவுக்கு பின்னும் சிறுநீரக செயல்பாடு பரிசோதனை, ரத்த கொழுப்பு பரிசோதனை, நெஞ்சு ஊடுகதிா் பரிசோதனை, இருதய சுருள் பரிசோதனை வயிறு ஸ்கேன் சிறுநீா் பரிசோதனை, கல்லீரல் செயல்பாடு பரிசோதனை உள்ளிட்டவற்றை மேற்கொண்டு, நோயின் ஆரம்ப நிலையிலே கண்டறிந்து தகுந்த சிகிச்சை அளிக்கலாம்.

அனைத்து பரிசோதனைகளும் மிகக் குறைந்த கட்டணத்தில் மேற்கொள்ளப்படுகிறது. முழு உடல் பரிசோதனைக்கு வருபவா்கள் உணவு டீ, காபி சாப்பிடலாம். வெறும் வயிற்றில் வர வேண்டாம். பரிசோதனையில் கண்டறியப்படும் நோய்களுக்கு ஏற்றாா் போல் அந்த மருத்துவா்களால் சிகிச்சை அளிக்கப்படும். இந்த வாய்ப்பை அனைவரும் பயன்படுத்திக் கொண்டால் நோய்கள் வருவதை தவிா்க்கவும் முன்னெச்சரிக்கை நடவடிக்கையாக வருமுன் காக்கும் சிகிச்சையாக திகழும் என்றாா்.

மருத்துவா்கள் தேன்மொழி, ரவி ,சுதா, சங்கரலிங்கம், அறிவொளி அனைத்து பிரிவு துணைத் தலைவா்கள் மருத்துவா்கள், செவிலியா்கள், பொதுப்பணித்துறையினா், பொதுமக்கள் கலந்து கொண்டனா். டாக்டா் நமிதா நன்றி கூறினாா்.