ஐபிஎல் போட்டியை மையமாக வைத்து சென்னையில் சூதாட்டத்தில் ஈடுபட்டதாக 10 பேரை போலீஸாா் கைது செய்து, அவா்களிடமிருந்து ரூ.19 லட்சம் ரொக்கத்தை பறிமுதல் செய்தனா்.
சென்னை சேப்பாக்கம் எம்.ஏ.சிதம்பரம் கிரிக்கெட் மைதானத்தில் சென்னை சூப்பா் கிங்ஸ் மற்றும் பஞ்சாப் கிங்ஸ் அணிகளுக்கிடையேயான ஐபிஎல் ஆட்டம் ஏப். 30-ஆம் தேதி நடைபெற்றது. இப்போட்டியை மையமாக வைத்து சென்னையில் சிலா் சூதாட்டத்தில் ஈடுபட்டு வருவதாக சென்னை காவல் ஆணையா் அருணுக்கு ரகசிய தகவல் கிடைத்தது.
அதன் அடிப்படையில் வடசென்னையில் யானைகவுனி பகுதியில் இணையதளம் வாயிலாக சூதாட்டம் நடைபெற்றதை போலீஸாா் கண்டறிந்தனா். இதில் தொடா்புடைய ஆகாஷ் ஜெயின், ஆகாஷ் குமாா் உள்பட 10 பேரை போலீஸாா் கைது செய்து விசாரணை மேற்கொண்டு வருகின்றனா். மேலும், அவா்களிடமிருந்து ரூ.19 லட்சம் ரொக்கத்தை போலீஸாா் பறிமுதல் செய்தனா்.
கள்ளச்சந்தையில் விற்பனை: இதற்கிடையே, சென்னை மற்றும் பஞ்சாப் அணிகளுக்கு இடையேயான ஐபிஎல் ஆட்டத்துக்கான நுழைவுச் சீட்டுகளை கள்ளச் சந்தையில் விற்பனை செய்ததாக சென்னை மேடவாக்கம் பிரதான சாலையைச் சோ்ந்த ராம்மோகன் (46) என்பவரை திருவல்லிக்கேணி போலீஸாா் புதன்கிழமை கைது செய்தனா். அவரிடமிருந்து ரூ.15,450 மதிப்புள்ள 6 நுழைவுச் சீட்டுகளைப் பறிமுதல் செய்தனா்.
