புதுச்சேரியில் நூதன முறையில் பண மோசடி

புதுச்சேரியில் இணையவழியில் ரூ.18,097 நூதன முறையில் மா்ம நபா்கள் மோசடி செய்தது குறித்து போலீஸாா் விசாரித்து வருகின்றனா்.

புதுச்சேரி செந்தானத்தத்தைச் சோ்ந்த தொழிலதிபா் இணையதளத்தை அதிகமாகப் பயன்படுத்தி வந்துள்ளாா். இந்தநிலையில், அவருக்கு கைப்பேசியில் மா்ம நபா்கள் வாட்ஸ்- ஆப்பில் செய்தியை அனுப்பியுள்ளனா்.

அதில் இணையதளத்தில் பகுதிநேர வேலைவாய்ப்புகள் உள்ளதாகவும், அதில் சோ்ந்து குறைந்த முதலீட்டில் அதிக லாபம் சம்பாதிக்கலாம் என்றும் ஆசை வாா்த்தை கூறியுள்ளனா்.

இதை நம்பிய தொழிலதிபா், பல தவணைகளில் அவா்கள் கூறிய வங்கிக் கணக்கில் மொத்தம் ரூ.18,097 செலுத்தியுள்ளாா். அதன்படி அவருக்கு லாபம் கிடைத்துள்ளதாக இணையத்தில் காட்டப்பட்டது. ஆனால், அதை அவரால் பெற டியவில்லை. அதனையடுத்து தான் மா்மநபா்களால் ஏமாற்றப்பட்டதை அறிந்த தொழிலதிபா் புதுச்சேரி கோரிமேட்டில் உள்ள இணையகுற்றப்பிரிவில் புகாா் தெரிவித்தாா். அதன்பேரில் போலீஸாா் வழக்குப்பதிந்து விசாரணை நடத்தி வருகின்றனா்.