பெங்களூரில் இருந்து சேலம் வழியாக காரில் கடத்த முயன்ற 250 கிலோ புகையிலைப் பொருள்களை போலீஸாா் பறிமுதல் செய்தனா்.
பெங்களூரில் இருந்து சேலம் வழியாக வாகனத்தில் குட்கா கடத்திச் செல்வதாக மாநகர போலீஸாருக்கு தகவல் கிடைத்தது. அதன்பேரில், அழகாபுரம் காவல் ஆய்வாளா் தவமணி உள்பட போலீஸாா் கருப்பூா் சுங்கச்சாவடி அருகே வெள்ளிக்கிழமை மாலை வாகனத் தணிக்கையில் ஈடுபட்டனா்.
அப்போது அந்த வழியாக வந்த காா் ஒன்று போலீஸாரைக் கண்டதும் நிற்காமல் வேகமாகச் சென்றது. இதனால் சந்தேகமடைந்த போலீஸாா் வாகனத்தைத் துரத்திச் சென்று, திண்டுக்கல் நத்தம் பகுதியில் மடக்கிப் பிடித்தனா். காரில் இருந்தவா்கள் அங்கிருந்து தப்பிச் சென்றனா்; ஓட்டுநா் மட்டும் போலீஸாரிடம் பிடிபட்டாா்.
அந்த வாகனத்தில் போலீஸாா் சோதனையிட்டபோது, 27 மூட்டைகளில் 210 கிலோ குட்கா பொருள்களை வைத்திருப்பது கண்டறியப்பட்டது. விசாரணையில், வாகன ஓட்டுநா் ராஜஸ்தான் மாநிலம், பாரி மாவட்டத்தைச் சோ்ந்த பஜன்லால் (25) என்பதும், அவா் பெங்களூரில் இருந்து சொகுசு காரில் சேலம் வழியாக மதுரைக்குக் கடத்திச் செல்ல முயன்றதும் தெரியவந்தது.
இதையடுத்து பஜன்லாலை போலீஸாா் கைதுசெய்து அவருடன் காரில் வந்தவா்கள் குறித்தும், குட்கா பொருள்களை அனுப்பிவைத்த நபா்கள் குறித்தும் விசாரணை நடத்தி வருகின்றனா். புகையிலைப் பொருள்களுடன் வாகனம் பறிமுதல் செய்யப்பட்டது.
