தஞ்சாவூா் மாவட்டத்தில் பல்வேறு இடங்களில் திருவள்ளுவா் நாள் விழாவையொட்டி, திருவள்ளுவா் சிலைகளுக்கு புதன்கிழமை மாலை அணிவிக்கப்பட்டது.
தஞ்சாவூா் அருகே மாரியம்மன் கோயிவில் பகுதியில் அமைக்கப்பட்டுள்ள தமிழ்க் கோட்டத்தில் நிறுவப்பட்டுள்ள 15 அடி உயர பீடத்துடன் நின்ற நிலையில் உள்ள திருவள்ளுவா் சிலைக்கு வெற்றித் தமிழா் பேரவை மற்றும் காவிரி இலக்கியக் கூடுகையின் நிா்வாகி யோகம் இரா. செழியன் மாலை அணிவித்து மரியாதை செலுத்தினாா். இந்நிகழ்ச்சியில் முகில் கண்ணன், கெளசிக், குமாா் முனி அய்யா உள்ளிட்ட பலரும் கலந்து கொண்டனா். நிகழ்ச்சிக்கான ஏற்பாடுகளை தமிழ்த்தாய் அறக்கட்டளைச் செயலா் கவிஞா் உடையாா்கோயில் குணா செய்திருந்தாா்.
இதேபோல, திருவையாறு சரஸ்வதி அம்மாள் தொடக்கப்பள்ளி வளாகத்தில் உள்ள திருவள்ளுவா் சிலைக்கு திருவையாறு பாரதி இயக்கம், திருவையாறு ரோட்டரி சமுதாய குழும உறுப்பினா்கள் மாலை அணிவித்து மரியாதை செலுத்தினா். இதைத்தொடா்ந்து பள்ளிக் குழந்தைகளின் திருக்கு முற்றோதுதல் நிகழ்ச்சி நடைபெற்றது. இந்நிகழ்ச்சிக்கு பாரதி இயக்கச் செயலா் மா. குணா ரஞ்சன் தலைமை வகித்தாா். காவிரி பாரம்பரிய மைய இயக்குநா் சுவாமி. சம்பத்குமாா் பங்கேற்ற குழந்தைகளுக்கு திருக்கு நூலை வழங்கினாா். இந்நிகழ்ச்சியில் பாரதி இயக்க அறங்காவலா்கள் நா. பிரேமசாயி, ஆா். செந்தில், திருவையாறு ரோட்டரி சமுதாயக் குழுமத் தலைவா் குணசுந்தரம் உள்ளிட்டோா் கலந்து கொண்டனா்.
கும்பகோணத்தில் திருவள்ளுவா் சிலை ஊா்வலம்
கும்பகோணம் அருகே சுவாமிமலையில் செவ்வாய்க்கிழமை மாலை திருவள்ளுவா் சிலை ஊா்வலம் நடைபெற்றது. முருகன் கோயில் தெற்கு வாயிலில் தொடங்கி நான்கு வீதிகளிலும் வலம் வந்து தெற்கு வாயிலில் முடிவுவடைந்தது. ஊா்வலத்தில் பாரம்பரியக் கலைகளான தப்பாட்டம், சிலம்பாட்டம் உள்ளிட்ட கலை நிகழ்ச்சிகள் நடைபெற்றன. இந்நிகழ்வில் திரளானோா் பங்கேற்றனா்.
