தனியாா் பள்ளி மாணவா் உயிரிழப்பு

சிங்கம்புணரி தனியாா் பள்ளி மாணவா் உயிரிழந்ததைத் தொடா்ந்து உறவினா்கள் திங்கள்கிழமை சாலை மறியல் போராட்டத்தில் ஈடுபட்டனா்.

சிவகங்கை மாவட்டம், சிங்கம்புணரி தனியாா் சி.பி.எஸ்.இ. பள்ளியில், மதுராபுரி வேங்கைப்பட்டியைச் சோ்ந்த பாலமுருகன் மகன் அஷ்விந்த் (7) இரண்டாம் வகுப்பு படித்து வந்தாா். திங்கள்கிழமை பள்ளி வாகனம் வராததால், பள்ளி நிா்வாகத்தினா் காரில் வந்து மாணவா் அஷ்விந்தை அழைத்துச் சென்றனா்.

இந்த நிலையில், மாணவனுக்கு வலிப்பு வந்ததாகவும் சிங்கம்புணரி அரசு மருத்துவமனையில் அனுமதிக்கப்பட்டுள்ளதாகவும் பள்ளி நிா்வாகத்தினா் பெற்றோருக்குத் தகவல் தெரிவித்தனா். உடனே அங்கு சென்ற பெற்றோா் வாயிலும், மூக்கிலும் ரத்தம் கசிந்தவாறு அஷ்விந்த் உயிரிழந்து கிடந்ததைப் பாா்த்து அதிா்ச்சி அடைந்தனா்.

இதையடுத்து, மாணவரின் உறவினா்கள் சிங்கம்புணரி நான்குரோடு அருகே சாலையில் அமா்ந்து மறிலில் ஈடுபட்டனா். சம்பவ இடத்துக்கு வந்த திருப்பத்தூா் நகா் காவல் துணை கண்காணிப்பாளா் செல்வகுமாா் உறவினா்களிடம் பேச்சு வாா்த்தை நடத்தினாா். சிறுவனின் உடல், கூறாய்வுக்காக சிங்கம்புணரி அரசு மருத்துவமனையில் வைக்கப்பட்டுள்ளது.

இதுகுறித்து சிங்கம்புணரி நகா் போலீஸாா் வழக்குப் பதிவு செய்து விசாரித்து வருகின்றனா். உறவினா்கள் மருத்துவமனை வாயிலிலும், நான்கு சாலைப் பகுதியிலும் தொடா்ந்து மறியலில் ஈடுபட்டனா்.