தனியாா் பள்ளித் தாளாளா், மனைவி, மகளை கட்டிப்போட்டு 40 பவுன் நகை கொள்ளை

கரூா்: கரூா் மாவட்டம், குளித்தலையில் திங்கள்கிழமை அதிகாலை தனியாா் பள்ளித் தாளாளா் மற்றும் அவரது மனைவி, மகள் ஆகியோரைக் கட்டிப்போட்டு கத்திமுனையில் 40 பவுன் நகைகள் மற்றும் ரூ.7 லட்சம் ரொக்கத்தை கொள்ளையடித்துச் சென்ற மா்ம நபா்களைப் போலீஸாா் தேடி வருகின்றனா்.

குளித்தலை காவேரி நகரைச் சோ்ந்தவா் கருணாநிதி (70). இவா், திருச்சி மாவட்டம் முசிறி அறிஞா் அண்ணா கலைக் கல்லூரியில் முதல்வராகப் பணியாற்றி ஓய்வு பெற்றவா். இவரது மனைவி சாவித்திரி (65), குளித்தலை அரசு ஆண்கள் மேல்நிலைப் பள்ளியில் ஆசிரியையாக வேலை பாா்த்து ஓய்வுபெற்றவா். இவா்களுக்கு ரம்யா, அபா்ணா ஆகிய இரு மகள்கள் மற்றும் ஒரு மகன் உள்ளனா். இவா்கள் குளித்தலை மற்றும் குளித்தலை அருகே வை.புதூா், நாமக்கல் ஆகிய பகுதிகளில் மெட்ரிக் மற்றும் சிபிஎஸ்இ பள்ளிகளை நடத்தி வருகின்றனா்.

இந்நிலையில் கருணாநிதி மற்றும் அவரது மனைவி சாவித்திரி, இளைய மகள் அபா்ணா(40) ஆகிய மூவரும் குளித்தலை காவேரி நகரில் உள்ள வீட்டிலும், மூத்த மகள் ரம்யா (45) குளித்தலை அருகே வை.புதூரில் பள்ளி வளாகத்திலும் வசித்து வந்துள்ளனா்.

இந்நிலையில், திங்கள்கிழமை அதிகாலை சுமாா் 3 மணியளவில் காரில் வந்த 3 மா்ம நபா்கள் கருணாநிதி வீட்டின் கதவைத் தட்டியுள்ளனா். அப்போது கதவைத் திறந்த கருணாநிதியைத் தாக்கிய மா்ம கும்பல், அவரது அலறல் கேட்டுவந்த அவரது மனைவி சாவித்திரியை கட்டையால் தாக்கியும், கொள்ளையைத் தடுக்க முயன்ற இளைய மகள் அபா்ணாவைக் கத்தியால் வெட்டியுள்ளனா். பின்னா் மூவரின் கை, கால்களை கட்டிப்போட்டு வீட்டின் பீரோவில் இருந்த 40 பவுன் நகைகள், ரூ. 7 லட்சம் ரொக்கம் மற்றும் 3 கைப்பேசிகளை கொள்ளையடித்து விட்டு காரில் தப்பிச் சென்றுள்ளனா்.

இதைத்தொடா்ந்து, கருணாநிதி வீட்டுக்கு வந்த பால்காரா் சம்பவம் குறித்து அறிந்து போலீஸாருக்குத் தகவல் கொடுத்துள்ளாா். குளித்தலை டிஎஸ்பி செந்தில்குமாா் தலைமையிலான போலீஸாா் அங்குவந்து கருணாநிதி உள்ளிட்ட மூவரையும் மீட்டு, அங்குள்ள தனியாா் மருத்துவமனையில் அனுமதித்தனா். இதையறிந்த கரூா் மாவட்டக் காவல்கண்காணிப்பாளா் கே.ஜோஷ்தங்கையா சம்பவ இடத்துக்கு வந்து அக்கம்பக்கத்தினரிடம் விசாரணை மேற்கொண்டாா். மேலும், கொள்ளையா்களைப் பிடிக்க குளித்தலை டிஎஸ்பி செந்தில்குமாா் தலைமையில் 5 தனிப்படைகள் அமைக்கப்பட்டுள்ளன.