தம்பி வெட்டிக் கொலை: அண்ணன் கைது

இந்திலி கிராமத்தில் சகோதரா்களிடையே ஏற்பட்ட தகராறில் தம்பி வெட்டிக் கொலை செய்யப்பட்டாா். இதுதொடா்பாக அண்ணனை போலீஸாா் வியாழக்கிழமை கைது செய்தனா்.

கள்ளக்குறிச்சியை அடுத்த இந்திலி கிராமத்தில் மொசகுண்டு விளைநிலப் பகுதியில் வசித்து வருபவா் மாரிமுத்து (50). மாரிமுத்துக்கு இரு மனைவிகள் உள்ளனா்.

முதல் மனைவியின் மகன்கள் தவசி (22), மாட்டிறைச்சிக் கடையில் பணிபுரிந்து வருகிறாா். பாஸ்கரன் (19) மாடு விற்பனை செய்யும் தொழிலில் ஈடுபட்டு வந்தாா். தவசி மது அருந்தும் பழக்கம் உடையவா்.

பாஸ்கரன் கடந்த 3 மாதங்களுக்கு முன்பு இந்திலி ஆா்.கே.நகரில் புதிதாக வீடுகட்டி வீட்டின் முன் கசாப்புக் வைத்து நடத்தி வந்தாா். இதனால் சகோதரா்களிடையே அவ்வப்போது தகராறு ஏற்பட்டு வருமாம்.

இந்த நிலையில், புதன்கிழமை உறவினா் பெண்ணான திவ்யாவை தவசி கிண்டல் செய்தாராம்.

இதை பாஸ்கரன் தட்டி கேட்டதால் இருவருக்கும் இடையே வாய்த்தகராறு ஏற்பட்டுள்ளது. இருவரையும் தந்தை சமாதானம் செய்து வைத்துள்ளாா். இதையடுத்து, பாஸ்கரன் அன்று இரவு வீட்டுக்குச் சென்று தூங்கி விட்டாராம். தவசி பாஸ்கரனை கத்தியால் வெட்டியதாகத் தெரிகிறது.

இதில் பலத்த காயமடைந்த பாஸ்கரன் உயிரிழந்தாா்.

இதுகுறித்த தகவல் மறுநாள் குடும்பத்தினருக்கு தெரியவந்தது.

புகாரின் பேரில் சின்னசேலம் போலீஸாா் வழக்குப் பதிந்து தவசியை வியாழக்கிழமை கைது செய்தனா்.