இருசக்கர வாகனத்தில் செல்வோா் தலைக்கவசம் அணியாவிட்டால், ரூ.1,000 அபராதம் என்ற புதுவை அரசின் அறிவிப்பு திங்கள்கிழமை முதல் தீவிரப்படுத்தப்படவுள்ளதாக தெரிவிக்கப்பட்டது.
புதுவை மாநிலத்தில் ஜன. 1 முதல் இருசக்கர வாகனத்தில் செல்வோா் தலைக்கவசம் அணிந்து செல்லவேண்டும், மீறும்பட்சத்தில் ரூ.1,000 அபராதம் விதிக்கப்படும் என காவல்துறை தெரிவித்தது.
பொங்கல் பண்டிகை காலம், காரைக்கால் காா்னிவல் திருவிழா என்பதால் இந்த நடவடிக்கையை காவல்துறையினா் தீவிரப்படுத்தாமல் இருந்தனா். விடுமுறை நாள்கள் முடிவுக்கு வந்த நிலையில், திங்கள்கிழமை முதல் கண்காணிப்பை தீவிரமாக மேற்கொள்ள இருப்பதாக காவல்துறை வட்டாரத்தில் தெரிவிக்கப்பட்டது.
காரைக்காலில் தேசிய நெடுஞ்சாலை, முக்கிய போக்குவரத்துள்ள சாலைகள், விபத்துகள் ஏற்படக்கூடிய சாலைகளில் கண்காணிப்பை மேற்கொள்ளுமாறு காவல்துறையினருக்கு டிஐஜி சத்தியசுந்தரம் அறிவுறுத்தியுள்ளாா்.
காரைக்கால் நகரப் பகுதிக்குள் தலைக்கவசத்துக்கு விலக்கு அளிக்கவேண்டும், வாகனங்களில் செல்வோா் அலுவலகங்களுக்கும், வணிக நிறுவனங்களுக்கும், வீடுகளுக்கும் என செல்வோருக்கு இது சிரமத்தை தரும் என சிலா் கூறி வருகின்றனா்.
எனவே புதுவை அரசு உரிய உத்தரவு பிறப்பித்து, மக்களிடையே தலைக்கவசம் குறித்து தீவிர விழிப்புணா்வு ஏற்படுத்தவேண்டும் என பலரும் வலியுறுத்துகின்றனா்.
