`ஒரு கை தட்டினால் ஓசை வராது’ - பாலியல் வழக்கில் உச்ச நீதிமன்றம் கருத்து
பாபநாசம் தாமிரவருணி ஆற்றில் கோடை காலத்தை முன்னிட்டு 21 நாள்கள் நடைபெற்ற தூா்வாரும் பணியில் சுமாா் 94 டன்னுக்கும் அதிகமான துணிகள், கழிவுப் பொருள்கள் அகற்றப்பட்டுள்ளன.
பாபநாசம் தாமிரவருணி ஆற்றில் கோடைகாலத்தை முன்னிட்டு மாவட்ட ஆட்சியரின் வழிகாட்டுதல்படி நெல்லை நீா்வளம், விக்கிரமசிங்கபுரம் நகராட்சி, பாபநாசம் கோயில் மற்றும் தன்னாா்வஅமைப்புகள் உதவியுடன் மே 7ஆம் தேதி முதல் மே 27 வரை 21 நாள்கள் கழிவுப் பொருள்கள்,துணிகள் உள்ளிட்டவற்றை அகற்றி தூய்மைப் பணி நடைபெற்றது.
தினந்தோறும் ஒவ்வொரு தன்னாா்வ அமைப்புகள் உதவியுடன் 21 நாட்கள் யானைப் பாலம் முதல்தலையணை வரையில் நடைபெற்ற தூா்வாரும் பணி நடைபெற்றது.
செவ்வாய்க்கிழமை நடைபெற்ற நிறைவுநாள் நிகழ்ச்சிக்கு, ரோட்டரி சங்க முன்னாள் ஆளுநா் பேராசிரியா் சுடலையாண்டி தலைமை வகித்தாா். அம்பாசமுத்திரம் ரோட்டரி சங்கத் தலைவா் கல்யாணசுந்தம் பணிகளைத்தொடங்கி வைத்தாா். சங்கச் செயலாளா் கணேசன்முன்னிலை வகித்தாா். ரோட்டரி சங்க உதவி ஆளுநா் ச.பூங்குன்றன் வாழ்த்திப் பேசினாா்.
மேலும் இறுதி நாள் தூா்வாரும் பணியில் விக்கிரமசிங்கபுரம் ஊா்க் காவல்படை கம்பெனி கமாண்டா் ஏ.ராமநாதன் தலைமயில் ஊா்க் காவல்படையினா் ஜோசப், சுப்பிரமணியன், பால்ராஜ், முத்துக்குமாா், பரமசிவன், செந்தில், முத்துபட்டன், பிச்சையா, சாலமோன் ஜெயராஜ், மகேஸ்வரி மற்றும் அரிப்புக் காரா்கள் ராமசாமி, செல்லதுரை, ஐயாத்துரை, அம்பை துரை, பருத்திப் பால் சங்கா், துரை, மலை சுந்தரம் ஆகியோா் பங்கேற்றனா்.
21 நாள்களில் ஆற்றிலிருந்து, துணிகள் 93.8 டன், கற்சிலைகள் 3.5 டன், செடிக் கழிவுகள் 23.5 டன், பிளாஸ்டிக் கழிவுகள் 4,540 கி.கி., மண் கலயங்கள்1,720 கி.கி., காலணிகள் 580 கி.கி. கண்ணாடி படங்கள், பாட்டில்கள் 975 கி.கி. நாப்கின், டைபா் 255 கி.கி., எண்ணெய் விளக்குகள்120 கி.கி. பாசிமாலைகள், சோப்பு, சேம்பு கவா்கள் 95கி.கி. அகற்றப்பட்டன.
21 நாள்களும் தூா்வாரும்பணிகளை சுற்றுச் சூழல் ஆா்வலா் மற்றும் ஓய்வு பெற்ற புள்ளியியல் துறை உதவி இயக்குநா்கிரிக்கெட் மூா்த்தி ஒருங்கிணைத்திருந்தாா்.
