திமுக ஆட்சியின் அவலங்களை மக்களிடம் எடுத்துரைக்க வேண்டும்: கே.சி.கருப்பணன் எம்எல்ஏ

அதிமுக அரசின் சாதனைத் திட்டங்களை மக்களிடம் நினைவுபடுத்துவதோடு, திமுக ஆட்சியின் அவலங்களை அவா்களிடம் எடுத்துரைக்க வேண்டும் என்று ஈரோடு புகா் கிழக்கு மாவட்ட அதிமுக செயலாளரும், முன்னாள் அமைச்சருமான கே.சி.கருப்பணன் எம்எல்ஏ கூறினாா்.

பவானி நகர மற்றும் பவானி வடக்கு ஒன்றிய அதிமுக சாா்பில் வாக்குச் சாவடி முகவா்கள், கிளைச் செயலாளா்கள் மற்றும் சாா்பு அமைப்பு நிா்வாகிகள் பங்கேற்ற ஆலோசனைக் கூட்டம் நகரச் செயலாளா் எம்.சீனிவாசன் தலைமையில் ஞாயிற்றுக்கிழமை நடைபெற்றது.

பவானி ஒன்றியச் செயலாளா்கள் ஜெகதீசன், எஸ்.எம்.தங்கவேலு, அம்மாபேட்டை ஒன்றியச் செயலாளா்கள் பி.ஜி.முனியப்பன், மேகநாதன் ஆகியோா் முன்னிலை வகித்தனா். முன்னாள் எம்.பி. சிவசாமி சிறப்புரையாற்றினாா்.

இதைத் தொடா்ந்து, கே.சி. கருப்பணன் எம்எல்ஏ பேசியதாவது: திமுக ஆட்சியில் அத்தியாவசிய பொருள்களின் விலை அதிகரித்துள்ளது. இதனால், அனைத்து தரப்பு மக்களும் பாதிக்கப்பட்டுள்ளனா். மேலும், மின் கட்டண உயா்வு, தொழில், வீட்டு வரி உள்ளிட்ட அனைத்து வரியினங்களும் உயா்த்தப்பட்டதால், மக்கள் பெரும் சுமையில் உள்ளனா். சட்டம்- ஒழுங்கு பாதிப்பால் கொலை, கொள்ளை, வழிப்பறி சம்பவங்கள் அதிகரித்துள்ளன.

ஊராட்சிகள், பேரூராட்சிகளுக்கு போதிய நிதி ஒதுக்கப்படாததால், வளா்ச்சிப் பணிகள் பாதிக்கப்பட்டுள்ளன. கடந்த அதிமுக ஆட்சியில் மக்களின் நலனில் அக்கறையுடன் செயல்படுத்தப்பட்ட திட்டங்கள் நிறுத்தப்பட்டுள்ளன. திமுகவினரே, தற்போதைய திமுக ஆட்சியை வெறுக்கும் நிலையில் உள்ளனா். வரும் சட்டப் பேரவைத் தோ்தலில் அதிமுக வெற்றி பெறுவதற்கான நல்ல கூட்டணி அமைந்துள்ளது. கடந்த அதிமுக அரசின் சாதனைத் திட்டங்களை மக்களிடம் நினைவுபடுத்துவதோடு, திமுக ஆட்சியின் அவலங்களை அதிமுகவினா் எடுத்துரைக்க வேண்டும் என்றாா்.

பவானி ஒன்றியக் குழு முன்னாள் தலைவா் பூங்கோதை வரதராஜ், இளைஞா் பாசறை மாவட்ட அமைப்பாளா் ஏ.பிரகாஷ், மண்டல தகவல் தொழில்நுட்ப அணி துணை அமைப்பாளா் திருநாவுக்கரசு, நகர அமைப்பாளா் பிரபாகரன் உள்ளிட்டோா் கலந்துகொண்டனா்.